प्रितीसंगमच्या प्रणयगीतांचा बहारदार कार्यक्रम

बेळगाव/ प्रतिनिधी

वरेरकर नाट्या संघ आयोजित प्रितीसंगम कराओके ग्रुप, बेळगाव यांचा हिंदी प्रणय गीतांचा कार्यक्रम नुकताच वरेरकर नाट्या संघ येथे पार पडला. प्रितीसंगम ग्रुपचा हा तिसरा कार्यक्रम असून हा प्रणयगीतांचा कार्यक्रम बहारदार झाला. प्रेक्षकवर्गाने भरपूर प्रतिसाद दिला. यामध्ये ग्रुप संघटक सुनील धर्माधिकारी, किरण कुलकर्णी, सुहास जोडगुंडे, डॉ. राज विवेकी, शुभांगी कारेकर, सायली नाईक, राजेश्वरी हेरेकर व वृषाली मराठे या कलाकारांनी बहारदार गाणी सादर केली. श्री स्वामी समर्थ व शंकर महाराज यांच्या फोटोंचे पूजन करून दीपप्रज्वलन जगदीश कुंटे व अन्य मान्यवरांच्या हस्ते झाले.