रस्त्याकडेला उभ्या असलेल्या कारमध्ये आढळले 5 मृतदेह

चेन्नई : तामिळनाडूत राष्ट्रीय महामार्गावर एक कार पूर्ण रात्र एकाच ठिकाणी उभी होती. संशय वाटल्याने स्थानिक लोकांनी कारविषयी पोलिसांना कळविले. घटनास्थळी पोहोचलेल्या पोलिसांनी कारचे दरवाजे उघडल्यावर सर्वांना धक्काच बसला. या कारमध्ये 5 जणांचे मृतदेह होते. ही घटना तामिळनाडूच्या पुदुक्कोट्टई जिल्ह्यात घडली आहे. पोलिसांनी सर्व मृतदेह उत्तरीय तपासणीसाठी शासकीय वैद्यकीय महाविद्यालयात पाठविले आहेत. मृतांमध्ये तीन महिलांचा समावेश आहे. सर्व मृत हे एकाच कुटुंबातील आहेत.