काही दिवसात 30-40 आमदार काँग्रेसमधून बाहेर पडतील : कटील

बेंगळूर : काही दिवसांतच काँग्रेसमधून 30 ते 40 आमदार बाहेर पडतील, असा गौप्यस्फोट खासदार आणि भाजपचे माजी प्रदेशाध्यक्ष नलीनकुमार कटील यांनी केला आहे. मंगळूरमध्ये मंगळवारी पत्रकारांशी बोलताना ते म्हणाले, काँग्रेसमध्ये अंतर्गत वाद वाढला आहे. सिद्धरामय्या, डी. के. शिवकुमार व इतर नेत्यांमध्ये फूट पडत आहे. त्यात आता प्रियांक खर्गे मुख्यमंत्रिपदाची मागणी करत आहेत. राज्य काँग्रेसमध्ये दुफळी निर्माण होत आहे. काँग्रेसमध्येच अंतर्गत ‘ऑपरेशन’ होत आहे. त्यामुळे काही दिवसांतच त्या पक्षातून 30 ते 40 आमदार बाहेर पडतील, असे भाकित कटील यांनी केले.