मंगळवारी 29 भटक्या कुत्र्यांना लसीकरण

बेळगाव : महानगरपालिका आणि पशुसंगोपन खात्याकडून भटक्या कुत्र्यांना टोचली जाणारी अँटीरेबीज लसीकरण मोहीम दिवसेंदिवस तीव्र केली जात आहे. मंगळवारी सागर कॉलनी कणबर्गी, खासबाग, जेड गल्ली, जोशी मळा या ठिकाणी 29 भटकी कुत्री पकडून त्यांना लस टोचण्यात आली. महापालिका पशुसंगोपन विभागाचे वरिष्ठ पशू निरीक्षक राजू संकण्णावर व त्यांच्या सहकाऱ्यांकडून गेल्या 10 दिवसांपासून शहर व परिसरात विविध ठिकाणी फिरून भटक्या कुत्र्यांना पकडले जात आहे. पकडलेल्या कुत्र्यांना पशुसंगोपन खात्याच्या डॉक्टर व त्यांच्या सहकाऱ्यांकडून लस टोचली जात आहे. दररोज विविध ठिकाणी लसीकरण मोहीम राबविली जात आहे. महिनाभर मोफत लसीकरण केले जाणार आहे. सागर कॉलनी कणबर्गी, खासबाग, जेड गल्ली, जोशी मळा या ठिकाणी 29 कुत्र्यांना लस टेचण्यात आली.