फेब्रुवारीत 26 हजार कोटींची म्युच्युअल फंडात गुंतवणूक
गुंतवणुकीत 23 टक्के वाढ : स्मॉल कॅप फंडात मात्र घसरण
वृत्तसंस्था/ नवी दिल्ली
फेब्रुवारी महिन्यात म्युच्युअल फंडामध्ये 23 टक्के गुंतवणूक वाढली असल्याची माहिती उपलब्ध झाली आहे. फेब्रुवारीत इक्विटी म्युच्युअल फंडामध्ये 26866 कोटी रुपयांची गुंतवणूक झाली आहे तर दुसरीकडे स्मॉल कॅप फंडांमध्ये गुंतवणुकीत घसरण दिसून आली आहे.
लार्ज कॅप फंडांमध्येसुद्धा गुंतवणूक कमी झाली असून फेब्रुवारी महिन्यात 921 कोटी रुपयांची गुंतवणूक झाली आहे. या आधीच्या म्हणजे जानेवारी महिन्यात 1287 कोटी रुपयांची गुंतवणूक लार्ज कॅप फंडांमध्ये झाली होती. याउलट फोकस्ड फंडातून मात्र फेब्रुवारी महिन्यात 532 कोटी रुपये काढण्यात आले होते तर स्मॉल कॅप फंडांमध्ये गुंतवणूक 10 टक्के इतकी घटली आहे. फेब्रुवारी महिन्यात या प्रकारामध्ये 2922 कोटी रुपयांची गुंतवणूक झाली आहे. या आधीच्या म्हणजे जानेवारी महिन्यात 3256 कोटी रुपयांची गुंतवणूक झाली होती.
इतर फंडात काय स्थिती
फेब्रुवारी महिन्यात हायब्रीड फंड प्रकारामध्ये 18,105 कोटी रुपयांची गुंतवणूक झाली आहे. कंझर्व्हेटीव्ह हायब्रीड फंडांव्यतिरिक्त इतर सर्व प्रकारच्या हायब्रीड प्रकारातील फंडांमध्ये गुंतवणूक दिसून आली आहे. फेब्रुवारीत अर्बिटाज फंडांमध्ये 11,508 कोटी रुपयांची गुंतवणूक झाली.
कोणत्या फंडात किती गुंतवणूक
प्रकार गुंतवणूक
इक्विटी म्युच्युअल फंड 26866
अर्बिटाज फंड 11,508
हायब्रीड फंड 18,105
स्मॉल कॅप फंड 2922