तालुक्यात 8 जागांसाठी 23 अर्ज दाखल

ग्राम पंचायत पोटनिवडणूक : 15 रोजी अर्ज माघारी, 23 रोजी मतदान

बेळगाव : बेळगाव तालुक्यातील सात ग्रा. पं. कार्यक्षेत्रामध्ये आठ जागांसाठी तब्बल 23 अर्ज दाखल झाले आहेत. मंगळवारी अर्ज दाखल करण्याची अंतिम मुदत होती. तर शुक्रवार दि. 15 रोजी अर्ज माघारीचा शेवटचा दिवस आहे. त्यानंतर लढतीचे चित्र स्पष्ट होणार आहे. विविध कारणांसाठी रिक्त झालेल्या ग्रा. पं. सदस्य पदांसाठी पोटनिवडणूक होत आहे. बेळगाव तालुक्यातील मारिहाळ, बस्तवाड, बेकिनकेरे, बेनकनहळ्ळी, संतिबस्तवाड, कंग्राळी खुर्द, होनगा आदी ग्रा. पं. च्या रिक्त जागांसाठी पोटनिवडणूक होत आहे. दि. 23 रोजी मतदान प्रक्रिया पार पडणार असून 26 नोव्हेंबर रोजी मतमोजणी होणार आहे. ग्रा. पं. च्या पाच वर्षांच्या कालावधीतील एक-दीड वर्षाचा कालावधी शिल्लक आहे. मात्र काही ग्रा. पं. मध्ये विविध कारणांनी रिक्त झालेली पदे भरली जाणार आहेत. यासाठी पोटनिवडणूक घेतली जात आहे. सात ग्रा. पं. मधील आठ जागांसाठी 23 इच्छुकांनी अर्ज दाखल केले आहेत. 15 रोजी अर्ज माघारीचा शेवटचा दिवस आहे. त्यानंतर ग्रा. पं. पोटनिवडणुकीतील लढतीचे चित्र स्पष्ट होणार आहे.

जिल्ह्यातील इतर ग्रा. पं. मध्ये निवडणूक

हुक्केरी तालुक्यातील मावनूर, शिरढाण, गुडस, केरुर, चंदूर, करोशी, नाई&ंग्लज, नेज, निडगुंदी, शिरुर, शिरहट्टी, अरटाळ, उडीकेरी, हन्नीकेरी, वन्नूर, गोवणकोप्प, मरकट्टी, हिरेकुंबी, हिरेकोप्प के. एच., कंदापूर, उदपुडी, गोडची, घटकनूर, मंगसुळी, मोळे, मण्याळ, यादवाड, उणगर्णी, कोगनोळी, गुंजी, बीडी नंदगाव.