राज्य सरकारी कर्मचाऱ्यांच्या महागाई भत्त्यात 2 टक्के वाढ

बेंगळूर : राज्य सरकारने राज्य सरकारी कर्मचाऱ्यांना दिवाळी भेट दिली आहे. राज्य सरकारी कर्मचाऱ्यांच्या महागाई भत्त्यात 2 टक्के वाढ करण्यास मान्यता देण्यात आली आहे. लवकरच यासंबंधी अधिकृत आदेश जारी होणार आहे. कर्नाटक राज्य सरकारी कर्मचारी संघटनेचे अध्यक्ष सी. एस. षडाक्षरी यांनी मंगळवारी या संदर्भात माहिती दिली. मुख्यमंत्र्यांनी 1 सप्टेंबर 2025 पासून राज्यातील सरकारी कर्मचाऱ्यांच्या महागाई भत्त्यामध्ये 2 टक्क्यांनी वाढ करण्याच्या फाईलीवर स्वाक्षरी केली आहे. त्याबद्दल आपण मुख्यमंत्री सिद्धरामय्या यांचे आभार मानत आहे. पुढील दोन ते तीन दिवसांत हा आदेश जारी होणार आहे, असेही त्यांनी म्हटले आहे.