व्हेनेझुएलात 17 वाहने जळून खाक, 16 जणांचा मृत्यू

कराकस : व्हेनेझुएलाची राजधानी कराकसनजीक एका महामार्गावर एका दुर्घटनेत 17 वाहने जळून खाक झाली आहेत. या दुर्घटनेत मृत्युमुखी पडलेल्यांचे मृतदेह वाहनांमधून बाहेर काढण्याचे काम गुरुवारी देखील सुरूच होते. आतापर्यंत 16 मृतदेह बाहेर काढण्यात आले असून मृतांचा आकडा वाढण्याची शक्यता आहे. भरधाव ट्रकने वाहनांना धडक दिल्यावर या वाहनांनी पेट घेतला होता. या दुर्घटनेच्या 15 मिनिटांपूर्वी आणखी एक दुर्घटना झाली होती. या दुर्घटनेमुळे अनेक वाहने महामार्गावर उभी असताना एक भरधाव ट्रकने त्यांना टक्कर मारली. या ट्रकमधून केमिकल वाहून नेले जात होते. टक्कर झाल्यावर लागलेली आग अनेक वाहनांपर्यंत फैलावली आहे. या आगीमुळे मृतांचा आकडा वाढल्याचे पोलिसांकडून सांगण्यात आले आहे.