महाराष्ट्र | मुंबई /पुणेइतरकोकणकोल्हापूरसांगलीसातारासोलापूरअहमदनगर
कर्नाटक | बेंगळूरबेळगांवहुबळी / धारवाडकारवारविजापूरहल्याळदांडेली
भविष्यराष्ट्रीयआंतरराष्ट्रीयक्रीडासंपादकीय / अग्रलेखव्यापार / उद्योगधंदेGames मनोरंजनटेक / गॅजेट

प्रथमश्रेणी पदार्पणात यश धुलचे शानदार शतक

06:30 AM Feb 18, 2022 IST | Tarun Bharat Portal
featuredImage featuredImage
Advertisement

रणजी स्पर्धेच्या पहिल्या फेरीला प्रारंभ

Advertisement

वृत्तसंस्था /गुवाहाटी

Advertisement

दिल्लीचा फलंदाज व यू-19 विश्वचषक विजेता कर्णधार यश धुलने गुरुवारी तामिळनाडूविरुद्ध प्रथमश्रेणी पदार्पणात शानदार शतक झळकावले. गुवाहाटीतील बरसापुरा क्रिकेट स्टेडियमवर सुरु असलेल्या ह गटातील या लढतीत धुलने अवघ्या 150 चेंडूत 18 चौकारांसह 113 धावांचे योगदान दिल्यानंतर दिल्लीने पहिल्या दिवसअखेर 90 षटकात 7 बाद 291 धावांपर्यंत मजल मारली.

तामिळनाडूने या लढतीत नाणेफेक जिंकल्यानंतर प्रथम क्षेत्ररक्षणाचा निर्णय घेतला. यश धुलने अवघ्या 133 चेंडूत 16 चौकारांसह शतक पूर्ण करत आपले प्रथमश्रेणी पदार्पण थाटात साजरे केले. वास्तविक, धुलला 97 धावांवर एम. मोहम्मदने बाद केले होते. पण, पंचांनी तो नोबॉल दिल्याने धुल सुदैवी ठरला. अगदी अलीकडेच धुलने भारताला यू-19 विश्वचषक जिंकून दिला आहे. अंतिम फेरीत भारताने इंग्लंडला धूळ चारली होती.

यंदाची रणजी चषक स्पर्धा दोन टप्प्यात होणार असून पहिला टप्पा दि. 17 फेब्रुवारी ते 15 मार्च या कालावधीत संपन्न होईल. पुढे आयपीएल पार पडल्यानंतर दि. 30 मे ते 26 जून या कालावधीत रणजी चषक स्पर्धेतील बाद फेरीचा टप्पा होणार आहे. यंदाच्या रणजी हंगामात 62 दिवसांमध्ये एकूण 64 सामने खेळवले जातील.

अन्य लढतींवर दृष्टिक्षेप

Advertisement
Tags :
#tarunbharat_official#tarunbharatnews#tarunbharatSocialMedia