पतंजली योगपीठात 83 जणांना कोरानाची लागण

नवी दिल्ली \ ऑनलाईन टीम

देशात कोरोना रूग्णांची संख्या दिवसेंदिवस वाढत आहे. आता योगगुरू बाबा रामदेव यांच्या पतंजली योगपीठात देखील कोरोनाचा शिरकाव झाला आहे. पतंजली योगपीठात 83 जणांना कोरोनाची लागण झाल्याची माहिती समोर आली आहे. योगपीठात इतक्या मोठ्या संख्येने कोरोनाचे रुग्ण आढळून आल्याने खळबळ उडाली आहे.

बाबा रामदेव यांच्या पतंजली योगपीठात कोरोनाची लागण झालेल्या सर्व 83 जणांना विलगीकरणात ठेवण्यात आले आहे. यानंतर बाबा रामदेव यांचीही कोरोना चाचणी होण्याची शक्यता वर्तवली जात आहे. तसेच अन्य लोकांचीही कोरोना चाचणी केली जाण्यार असल्याचे समजते. हरिद्वारचे सीएमओ डॉक्टर शंभू झा यांनी यासंदर्भातील माहिती दिली.