इंग्लंडच्या विजयात बटलरची फटकेबाजी

कार्डिफ : टी-20 मालिकेतील पहिल्या सामन्यात यजमान इंग्लंडने श्रीलंकेचा 8 गडय़ांनी दणदणीत पराभव केला. इंग्लंडतर्फे ‘सामनावीर’ जोस बटलरने अर्धशतक (नाबाद 68) तर रॉयने 36 धावा झळकविल्या.

या सामन्यात प्रथम फलंदाजी करताना लंकेने 20 षटकांत 7 बाद 129 धावा जमविल्या होत्या. त्यानंतर इंग्लंडने 17.1 षटकांत 2 बाद 130 धावा जमवित हा सामना 17 चेंडू बाकी ठेवून जिंकला. या मालिकेतील दुसरा सामना कर्डिफमध्ये तर तिसरा आणि शेवटचा सामना साऊदम्पटन येथे होईल.

संक्षिप्त धावफलक

लंका-20 षटकांत 7 बाद 129 (शनाका 50, कुसल परेरा 30, गुणतिलका 19, सॅम करन 2-25, आदिल रशीद 2-17, वूड, लिव्हिंगस्टोन, जॉर्डन प्रत्येकी एक बळी), इंग्लंड- 17.1 षटकांत 2 बाद 130 (बटलर नाबाद 68, बेअरस्टो नाबाद 13, रॉय 36, मलान 7, चमिरा 1-24, उदाना 1-30).