अमृतसरमध्ये 2 दहशतवाद्यांना अटक

3 हँडग्रेनेड अन् रोख रक्कम हस्तगत

वृत्तसंस्था /अमृतसर

पंजाबच्या अमृतसर शहरात पोलिसांनी 3 हँडग्रेनेड दोन दहशतवाद्यांना पकडले आहे. हे दोन्ही दहशतवादी फिरोजपूरचे रहिवासी असून स्वतःच्या कारमधून ते हँडग्रेनेड घेऊन फिरत होते. माहितीच्या आधारावर पोलिसांनी शोधमोहीम हाती घेत या दोन्ही आरोपींना अटक केली आहे. प्रकाश सिंह अन् अंग्रेज सिंह यांच्या कारमध्ये दारूगोळा असून ते मोठा हल्ला घडवून आणण्याच्या तयारीत असल्याची माहिती पोलिसांना मिळाली होती. पोलिसांनी कार शोधून काढत दोन्ही आरोपींकडून 3 हँडग्रेनेड तसेच एक लाख रुपये हस्तगत केले आहेत. हे हँडग्रेनेड या दोन्ही आरोपींना पाकिस्तानातील हस्तकाकडून मिळाले होते.