झोमॅटोला जीएसटीची नोटीस

पश्चिम बंगालच्या कर विभागाने व्याज व दंडासोबत पाठविला आदेश 

वृत्तसंस्था/नवी दिल्ली 

फूड डिलिव्हरी प्लॅटफॉर्म झोमॅटो आणि क्विक कॉमर्स सेवा ब्लिंकिटची मूळ कंपनी असलेल्या ‘इटर्नल’च्या अडचणी वाढताना दिसत आहेत. पश्चिम बंगाल वस्तू आणि सेवा कर (जीएसटी) विभागाने 3.7 कोटी रुपयांची मागणी नोटीस जारी केली आहे. हे प्रकरण 2019-20 या आर्थिक वर्षातील कर भरण्यातील त्रुटीशी संबंधित आहे. कंपनीने स्टॉक एक्स्चेंजला दिलेल्या माहितीत या नोटीसची पुष्टी केली.

 करातील तफावत

पश्चिम बंगालच्या राज्य करांच्या अतिरिक्त आयुक्तांनी हा आदेश जारी केला आहे. इटर्नलने एका नियामक फाइलिंगमध्ये सांगितले की, ही मागणी नोटीस प्रामुख्याने ‘आउटपुट कराच्या कमी भरण्याशी’ संबंधित आहे. याचा अर्थ असा की, त्या कालावधीत कंपनीने भराव्या लागणाऱ्या करापेक्षा कमी कर भरला होता, असे विभागाचे मत आहे. आता विभागाने मूळ करासोबतच थकित करावर मोठा व्याज आणि दंड लावला आहे.

गुंतवणूकदार आणि बाजारावर काय परिणाम?

इटर्नलच्या अंतर्गत असलेली झोमॅटो ही एक सूचीबद्ध कंपनी आहे. त्यामुळे, जीएसटी नोटीससारख्या बातम्यांचा गुंतवणूकदारांच्या भावनांवर परिणाम होतो. कंपनीच्या एकूण उलाढालीच्या तुलनेत 3.7 कोटी रुपयांची रक्कम मोठी नसली तरी, कर अनुपालनाशी संबंधित आव्हाने अनेकदा ब्रँडची प्रतिमा आणि शेअरच्या किमतींवर दबाव आणतात.

कर, व्याज आणि दंडाची गणना इटर्नलला मिळालेल्या सुमारे 3.7 कोटी रुपयांच्या नोटीसमध्ये तीन घटक समाविष्ट आहेत

• जीएसटी मागणी: 1.92 कोटी रु.
• व्याज : 1.58 कोटी रुपये
• दंड : 19.24 लाख रुपये