‘झेप्टो’च्या अॅपमध्ये आता युपीआय पेमेंट सेवा

आता कोणत्याही थर्डपार्टी अॅपशिवाय चेकआउट वेगवान होणार

वृत्तसंस्था/ नवी दिल्ली

क्विक कॉमर्स प्लॅटफॉर्म झेप्टोने आपल्या अॅपमध्ये इन-अॅप युपीआय पेमेंट सुविधा सुरू केली आहे, ज्यामुळे ग्राहक थेट अॅपमधून पेमेंट करू शकतील. या निर्णयामुळे चेकआउट प्रक्रिया अधिक जलद आणि विश्वासार्ह होण्यास मदत होईल, जसे यापूर्वी स्विगी आणि झोमॅटोसारख्या प्लॅटफॉर्मने केले आहे.

क्विक कॉमर्स प्लॅटफॉर्म झेप्टोने आपल्या मोबाइल अॅपमध्ये वापरकर्त्यांसाठी इन-अॅप युपीआय पेमेंट सुविधा सुरू केली आहे. आता ग्राहक गुगल पे किंवा फोनपे सारख्या कोणत्याही थर्ड-पार्टी अॅपवर न जाता, थेट झेप्टो अॅपमधूनच युपीआयद्वारे पेमेंट करू शकतील. झेप्टोने या लॉन्चची अधिकृत घोषणा केलेली नाही, तसेच कंपनीने पेमेंट वैशिष्ट्याच्या संरचनेबद्दल कोणतीही टिप्पणी केलेली नाही.

तज्ञांच्या मते, या निर्णयामुळे झेप्टो फूड डिलिव्हरी प्लॅटफॉर्म स्विगी आणि झोमॅटोच्या पंक्तीत सामील झाले आहे, ज्यांनी गेल्या वर्षी त्यांच्या अॅपमध्ये इन-अॅप युपीआय पेमेंट सुरू केले होते. अशी वैशिष्ट्यो प्लॅटफॉर्मला चेकआउट प्रक्रिया अधिक जलद आणि विश्वासार्ह बनविण्यात मदत करतात.

झेप्टोचा वेगळा प्रयत्न

झेप्टोचे हे नवीन वैशिष्ट्या कंपनीच्या विस्तारत असलेल्या डार्क स्टोअर नेटवर्क आणि ऑर्डरच्या वाढत्या प्रमाणाशी सुसंगत आहे. तज्ञांचा विश्वास आहे की, उच्च-फ्रिक्वेन्सी व्यवसायांमध्ये, पेमेंटचा अनुभव थेट ग्राहकांचे समाधान आणि ऑर्डर पूर्ण होण्याच्या दरावर परिणाम करतो.

तज्ञांचे म्हणणे आहे की, पेमेंट आता केवळ एक पार्श्वभूमी वैशिष्ट्या राहिलेले नाही, तर मोठ्या प्लॅटफॉर्मसाठी एक धोरणात्मक स्तर बनले आहे. चेकआउटच्या गतीमध्ये किंवा व्यवहाराच्या यशात केलेले छोटेसे बदल देखील गर्दीच्या वेळी ऑर्डर पूर्ण होण्याचे प्रमाण लक्षणीयरीत्या वाढवू शकतात, असेही अभ्यासकांनी म्हटले आहे.