युवा कवयित्री अक्षता गावडे हिचा मनसेकडून सत्कार

न्हावेली / वार्ताहर
सावंतवाडी तालुक्यातील कु. अक्षता अजित गावडे ही आरोस गावातील मुलगी ही नवोदय विद्यालय सांगेली येथे अकरावीमध्ये शिकत असून तिला लहानपणापासून कविता लिहिण्याचा छंद होता. याच आवडीतून तिचा ''क्षणीक'' हा काव्य संग्रह नुकताच प्रदर्शित झाला. यानिमित्ताने मनसेचे माजी आमदार तथा राज्य सरचिटणीस परशुराम उपरकर यांच्या हस्ते आज सावंतवाडी येथे तिचा शाल व पुष्पगुच्छ देऊन सत्कार करण्यात आला .यापुढेही असेच काव्यसंग्रह लिहून आपलं व आपल्यासहित जिल्ह्याचे नाव असच उंचावत रहा अशा शुभेच्छा उपस्थित मनसे पदाधिकाऱ्यांकडून देण्यात आल्या.तर श्री उपरकर यांनी अक्षताच्या काव्यसंग्रहाचा भरभरून कौतुक करत मनसे पूर्णपणे पाठीशी असल्याची ग्वाही देत शुभेच्छा दिल्या.

यावेळी माजी शहराध्यक्ष तथा विद्यार्थीसेनेचे जिल्हाध्यक्ष आशिष सुभेदार,माजी विभाग अध्यक्ष मंदार नाईक,नंदू परब, न्हावेली ग्रामपंचायत सदस्य अक्षय पार्सेकर,मनोज कांबळी,प्रणित तळकर,संतोष सावंत,विशाल बर्डे,दादा पालकर,चेतन पार्सेकर,खेमराज सावंत आदी पदाधिकारी उपस्थित होते.