‘ये काली काली आंखे 2’ लवकरच

नेटफ्लिक्सची बहुप्रतीक्षित रोमँटिक क्राइम थ्रिलर सीरिज ‘ये काली काली आंखे’ स्वत:च्या दुसऱ्या सीझनसोबत प्रेक्षकांच्या भेटीला येणार आहे. या दुसऱ्या सीझनचे पोस्टर शेअर करण्यात आले असून यात ताहिर राज भसीन, आंचल सिंह आणि श्वेता त्रिपाठी दिसून आली आहे. तर या सीरिजमध्ये गुरमीत चौधरी या नव्या कलाकाराची एंट्री झाली आहे. ये काली काली आंखे 2 चा प्रीमियर 22 नोव्हेंबर रोजी होणार आहे. ‘कहाणीला नवे वळण मिळणार आहे. नवे चेहरे आणि काही जुन्या रहस्यांसह ये काली काली आंखे सीझन 2 यंदा 22 नोव्हेंबरला येत आहे’ असे निर्मात्यांनी कॅप्शनदाखल नमूद केले. सिद्धार्थ सेनगुप्ता यांच्याकडून दिग्दर्शित या दुसऱ्या सीझनमध्ये ताहिर राज भसीन, विक्रांत सिंह चौहानच्या रुपात स्वत:ची भूमिका पुन्हा साकारणार आहे. तर आंचल सिंह ही पूर्वा अवस्थी तर श्वेता त्रिपाठी ही शिखाच्या व्यक्तिरेखेत दिसून येईल. याचबरोबर सौरभ शुक्ला आणि अरुणोदय सिंह देखील यात दिसून येणार आहेत.