येडियुराप्पांनी घेतली पंतप्रधानांची भेट

बेंगळूर : भाजपच्या संसदीय मंडळाचे सदस्य माजी मुख्यमंत्री बी. एस. येडियुराप्पा यांनी सोमवारी नवी दिल्ली येथे पंतप्रधान नरेंद्र मोदी यांची भेट घेतली. येडियुराप्पा यांनी ‘एक्स’ अकाऊंटवर मोदींच्या भेटीचा फोटो शेअर केला आहे. तसेच त्यांना दिवाळीच्या शुभेच्छाही दिल्या आहेत. बिहार विधानसभा निवडणुकीच्या पार्श्वभूमीवर सोमवारी भाजपच्या केंद्रीय संसदीय मंडळाची आणि निवडणूक समितीची बैठक पार पडली. येडियुराप्पा देखील या बैठकीत सहभागी झाले. बैठकीत पंतप्रधान मोदी, भाजपाध्यक्ष जे. पी. नड्डा, केंद्रीय गृहमंत्री अमित शहा, संरक्षण मंत्री राजनाथ सिंह तसेच वरिष्ठ नेते सहभागी झाले होते. बैठकीनंतर येडियुराप्पांनी पंतप्रधानांची भेट घेऊन चर्चा केली.