वार्षिक राशिभविष्य 2024 : मिथुन
वक्तृत्व ही कला मिथुन राशीच्या व्यक्तींच्या बोलण्यावरून समजते.आपल्या बोलण्यानेच या व्यक्ती पटकन कोणालाही आपलंसं करून घेतात. आपल्या आजूबाजूच्या व्यक्तींना कसं आनंदी ठेवायचं हे या व्यक्तींना चांगलं माहीत असतं. समस्यांचं निराकरण पटकन काढतात.करिअरच्या बाबतीत या व्यक्ती खूपच पुढे असतात. नाव, प्रसिद्धी आणि पैसा या तिन्ही गोष्टी या व्यक्तींना वेळ आल्यावर मिळते. या राशीच्या व्यक्ती अतिशय मेहनती असतात.
- चिन्ह - स्त्री -पुरूष युग्म
- राशीस्वामी - बुध
- शुभवार - बुधवार
- अशुभ वार - सोमवार
- घात मास - आषाढ
- शुभ रंग - हिरवा
- भाग्यरत्न -पाचू
- आराध्य देवता - श्री विष्णू
थुन राशीच्या व्यक्ती अतिशय जिद्दी आणि हट्टी स्वभावाच्या असतात. आपल्या प्रश्नांची उत्तरं स्वत:च शोधण्याचा यांचा जास्त प्रयत्न असतो. अधिकाधिक संधी मिळविण्याचा आणि दुसऱ्यालाही देण्याचा या व्यक्ती प्रयत्न करतात. बोलणे ही पण एक कला आहे, हे मिथुन राशीच्या व्यक्तींच्या बोलण्यावरून कळते. या कलेमध्ये या व्यक्ती मातब्बर असतात. केवळ आपल्या बोलण्यानेच या व्यक्ती पटकन कोणालाही आपलंसं करून घेतात. लहान लहान गोष्टीही अगदी मनोरंजक करून सांगण्याचं कसब या व्यक्तींमध्ये असतं. तर दुसऱ्या बाजूला या व्यक्ती जितक्या चांगल्या बोलतात, तितकाच जास्त वेळ दुसऱ्याला समजून घेण्यात या व्यक्ती लावतात. दुसऱ्यांना ज्या गोष्टी करू नका म्हणून सांगितलं जातं त्याच गोष्टी या व्यक्ती स्वत: करतात. अर्थात स्वत:च नियम बनवतात आणि आपल्या मनाप्रमाणे ते बदलतात. दुसऱ्यांना आनंद देण्यातच यांना जास्त आनंद मिळतो. आपल्या आजूबाजूच्या व्यक्तींना कसं आनंदी ठेवायचं हे या व्यक्तींना चांगलं माहीत असतं. ‘कंटाळा“ हा शब्दच या व्यक्तींच्या शब्दकोशात नाही. कोणतीही हेल्दी चर्चा यांचा मूड चांगला करू शकते. मिथुन राशीच्या व्यक्तींना मित्र कमी आणि शत्रू जास्त असतात. यांच्या वैशिष्ट्यामुळे बरेच लोक यांच्यावर जळतात. त्यामुळे यांना अधिक सावधानता बाळगण्याची गरज आहे. यांची लव्ह लाईफ दुसऱ्यांच्या तुलनेमध्ये जास्तच रोमान्सने भारलेली असते. या व्यक्ती प्रेमाच्या बाबतीत जरा जास्तच गंभीर असतात आणि रोमान्सच्या बाबतीत एक नंबर असतात. या राशीच्या व्यक्ती समस्यांचं निराकरण पटकन काढतात. पण या व्यक्ती जितक्या जास्त बोलक्या असतात तितक्यात दुसऱ्यांच्या भावना समजून घेण्यात कमी पडतात. अतिशय उतावळ्या असल्याने कधी कधी या व्यक्तींना त्याचा परिणाम भोगाव्या लागतो. करिअरच्या बाबतीत या व्यक्ती खूपच पुढे असतात. नाव, प्रसिद्धी आणि पैसा या तिन्ही गोष्टी या व्यक्तींना वेळ आल्यावर मिळते. पण तरीही बऱ्याच बाबतीत या व्यक्ती द्विधा मनस्थितीमध्ये असतात. पण या व्यक्ती मेहनतीही असतात.
ग्रहमान
वर्षाच्या सुरवातीला देव गुरु बृहस्पतीच्या एकदश भावात होण्याने अनेक यश प्राप्त होतील. आर्थिक रूपात ही वेळ मजबूत होईल. प्रेम संबंधात ही प्रगाढता राहील आणि वैवाहिक संबंध जोडण्याची संधी मिळेल. या वर्षी लाभकारी ग्रहाच्या रूपात बृहस्पती 01 मे 2024 ला मेष राशीतून वृषभ राशीमध्ये गोचर करतील. तथापि, हे गोचर मिथुन राशीला अनुकूल सांगितले जाऊ शकत नाही. कारण, तुमच्या चंद्र राशीच्या बाराव्या भावात बृहस्पती गोचर करतील. या कारणाने भाग्याची थोडी कमी साथ मिळेल आणि कार्यात अधिक मेहनत करावी लागू शकते. एकूणच वर्ष 2024 च्या एप्रिल महिन्याच्या शेवटपर्यंत जे परिणाम प्राप्त होतील ते अत्याधिक फलदायी सिद्ध होतील. मे 2024 नंतर, मिथुन राशीतील जातकांना आपल्या जीवनात योजना बनवून चालावे लागेल. विशेषरूपात, धन संबंधित गोष्टींमध्ये हानी होण्याची शक्यता आहे.सोबतच, करिअरमध्ये लक्ष केंद्रित करावे लागेल. घर-कुटुंबात समस्यांचा सामना करावा लागू शकतो. यामुळे सदस्यांमध्ये काही वाद होण्याची शक्यता आहे. शनी महाराज तुमच्या भाग्याचा स्वामी होऊन भाग्य स्थानात राहतील. यामुळे तुमच्या थांबलेल्या योजना परत चालतील. अडकलेल्या कामात तेजी येईल आणि तुम्ही यश अर्जित करू शकाल. राहू आणि केतू पूर्ण वर्ष क्रमश: तुमच्या दशम आणि चतुर्थ भावात राहतील, जे शारीरिक रूपात काही कमजोरी देऊ शकतात. या वर्षी तुमच्या माता पित्याच्या स्वास्थ्य समस्या कुटुंबात अशांतीचे कारण बनू शकतात. सुख-सुविधेत कमी पहायला मिळू शकते. कारण, केतू चौथ्या भावात उपस्थित असेल. या वर्षी आरोग्याची काळजी घ्यावी लागेल आणि आपल्या वित्तीय प्रबंधनालाही योग्य प्रकारे सांभाळले पाहिजे. विवाह इच्छुकांसाठी मेपर्यंतच गुरुबळ आहे अन्यथा वर्षभर वाट पाहावी लागेल.
नोकरदार
तुमच्या कामाच्या ठिकाणी, मित्रांसोबत आणि कुटुंबामध्ये एकोपा राखण्यासाठी काय करावे लागेल, याचे मार्ग तुम्हाला सापडतील. मित्र आणि तुमच्या भावंडांमुळे तुम्हाला लाभ होईल. उच्च अधिकाऱ्यांकडून तुम्हाला मदत मिळेल. तुमच्या आयुष्यात होणारे बदल हे सखोल आणि चिरंतर टिकणारे असतील. तुमच्या इच्छा पूर्ण होतील. कुटुंबातील सदस्यांच्या आरोग्याच्या तक्रारींमुळे तुम्ही चिंताग्रस्त राहाल. प्रवासाचा काही लाभ होणार नसल्याने तो शक्यतो टाळा. नाहक खर्चाची शक्यता असल्याने या संदर्भात काळजी घ्या. मित्र आणि सहकाऱ्यांशी सांभाळून वागा. तुमची निर्णय घेण्याची आणि तरतमभाव जाणण्याची क्षमता काही प्रसंगी क्षीण होईल. आगीमुळे जखम होण्याची शक्यता. या काळाच्या सुरुवातीपासून तुमची कारकीर्द काही स्फोटक किंवा दिशाहीन होईल. करिअरमध्ये नवे प्रकल्प किंवा मोठे बदल करणे टाळा. तुमचे मित्र आणि नातेवाईक यांच्याशी जुळवून घेणे कठीण होईल. अनिष्ट परिस्थिती उद्भवेल, ज्यामुळे तुमच्या आयुष्यात वाद निर्माण होतील. जलद आर्थिक लाभासाठी अनैतिक कामे करू नका. नोकरीच्या ठिकाणी समाधान लाभणार नाही. अपघाताची शक्यता आहे. अवघड परिस्थितीला आत्मविश्वासाने सामोरे जाण्याचा प्रयत्न करा. खोकला, श्वासोच्छवासाचे विकार किंवा संधिवाताचा त्रास होऊ शकतो. हा तुमच्यासाठी फार समाधानकारक काळ नाही. तुम्हाला कदाचित अचानक आर्थिक नुकसान सोसावे लागेल. प्रयत्नांमध्ये अपयश आल्यामुळे तुम्ही त्रासिक व्हाल. काम प्रचंड असल्यामुळे खूप कष्ट करावे लागतील. कौटुंबिक आयुष्यातही तणाव निर्माण होईल. उद्योगामध्येही फार धोका पत्करू नका, कारण हा कालावधी फार अनुकूल नाही. तुमचे विरोधक तुमची प्रतिमा मलीन करण्याचा प्रयत्न करतील. तुम्ही अनावश्यक खर्च कराल.
स्त्री वर्ग
वरिष्ठांसोबत तुमचा सुसंवाद राहील आणि पुढील वाटचालीमध्ये तुम्हाला त्याचा फायदा होईल. तुमच्या मनात सध्या अनेक कल्पक आणि नवनवीन कल्पना येत असतील, पण त्यांच्या चांगल्या वाईट बाजू पाहिल्याशिवाय त्यांची अंमलबजावणी करू नका. तुम्ही तुमच्या घराकडे जास्त लक्ष देणे गरजेचे आहे. तुमच्या कुटुंबियांच्या प्रकृतीच्या तक्रारी असतील, त्यामुळे त्यांच्या आणि तुमच्या स्वत:च्या आरोग्याची काळजी घ्या. आक्रमक होऊ नका कारण आक्रमकपणामुळे तुम्ही अडचणीत सापडू शकता. मित्रांसोबत वाद, भांडणे होण्याची शक्यता आहे. त्यामुळे त्यांच्याशी सलोख्याचे संबंध ठेवण्याचा प्रयत्न करा, तसे नाही झाले तर तुमच्या नात्यात दुरावा निर्माण होऊ शकतो. आर्थिक चढ-उतार संभवतात. परिवारातील एकोपा आणि सामंजस्यात अभाव होण्याची शक्यता. आरोग्याची काळजी घ्या. डोकेदुखी, डोळ्याचे विकार, पोटाचे विकार, पायात सूज येणे या आजारांबाबत ताबडतोब उपचार करा. भागीदार आणि सहकाऱ्यांच्या धोरणात्मक गोंधळ आणि गैरसमज यांचा हा कालावधी आहे. महत्त्वपूर्ण विस्तार प्रकल्प आणि दीर्घकालीन योजना तूर्तास थांबवून ठेवा. उपलब्ध स्रोतांपासून उत्पन्न मिळविण्याचा प्रयत्न करा. शक्यतो प्रवास टाळा. तुमचे शत्रू तुम्हाला अपाय करण्यासाठी खूप प्रयत्न करतील. तुमच्या मित्रांकडून फसवणूक होण्याची शक्यता असल्यामुळे त्यांच्यापासून सावध राहा. स्वत:ची काळजी घ्या. गंभीर आजार होण्याची शक्यता असल्यामुळे आरोग्याकडे व्यवस्थित लक्ष द्या. या काळात तुमचे वागणे व्यावहारिक असू द्या. या काळात तुम्ही अनेक कामे अशी कराल, ज्यातून फार काही साध्य होणार नाही. अचानक आर्थिक नकुसान संभवते. लायकी नसलेल्या व्यक्तींशी वाद होतील.
विद्यार्थी वर्ग
विद्यार्थ्यांसाठी हे वर्ष खूप अनुकूल असणार आहे. या राशीच्या विद्यार्थ्यांचा आत्मविश्वास वाढेल आणि ते त्यांच्या विषयांबद्दल सक्रिय राहतील. यासोबतच शालेय शिक्षणातही तुम्ही तुमच्या परीक्षेत चांगली कामगिरी कराल. शिकत असताना तुम्हाला काही आव्हानांचा सामना करावा लागू शकतो, परंतु जर तुम्ही संयमाने काम केले तर तुम्हाला शुभ परिणाम मिळतील. स्पर्धा परीक्षांची तयारी करणाऱ्या विद्यार्थ्यांसाठी हे वर्ष फारसे अनुकूल नाही. शाळा किंवा महाविद्यालयाबाबत निर्णय घेण्याचा विचार करणाऱ्यांना चांगले परिणाम मिळतील.
प्रशांत अर्जुनवाडकर
मो : 9611663465