यामी गौतमचा चित्रपट नेटफ्लिक्सवर झळकणार

यामी गौतम आणि सनी कौशल यांचा चित्रपट ‘चोर निकल के भागा’ हा चित्रपटगृहांऐवजी थेट ओटीटी प्लॅटफॉर्मवर स्ट्रीम होणार आहे. नेटफ्लिक्सने यासंबंधी माहिती दिली आहे. चोर निकल के भागा हा चित्रपट 24 मार्च रोजी नेटफ्लिक्सवर झळकणार आहे.

हा चित्रपट हाइस्ट थ्रिलर धाटणीचा आहे. यात यामी गौतमने एअर होस्टेसचा भूमिका साकारली आहे, तर सनी कौशल प्रवाशाच्या भूमिकेत दिसून येणार आहे. विमानाच्या अपहरणावर आधारित ही कहाणी असल्याचे समजते.

‘चोर निकल के भागा’ या चित्रपटाची निर्मिती मॅडॉक फिल्म्सने केली आहे. तर याचे दिग्दर्शन अजय सिंह यांनी केले आहे. चित्रपटाची कहाण अमर कौशिक यांनी लिहिली असून त्यांना ‘स्त्राr’, ‘बाला’ आणि ‘भेडिया’ या चित्रपटांसाठी ओळखले जाते. अमर कौशिक या चित्रपटाचे सह-निर्माते देखील आहेत. शरद केळकर देखील या चित्रपटात मुख्य भूमिकेत आहे.

जिनी वेड्स जॉन आणि दसवीं यानंतर नेटफ्लिक्सवर थेट प्रदर्शित होणारा यामीचा हा तिसरा चित्रपट आहे. काही दिवसांपूर्वी यामीचा लॉस्ट हा चित्रपट झी5 या ओटीटी प्लॅटफॉर्मवर स्ट्रीम करण्यात आला होता. यात तिने क्राइम जर्नलिस्टची भूमिका साकारली होती.

यामी अन् सनी ही जोडी पहिल्यांदाच या चित्रपटाद्वारे पहायला मिळणार आहे. विक्की कौशलचा भाऊ सनी हा ओटीटीवर सक्रीय आहे. त्याचा चित्रपट ‘शिद्दत’ हा डिस्ने प्लस हॉटस्टारवर प्रदर्शित झाला होता. तर ‘हुडदंग’ हा नेटफ्लिक्सवर झळकला होता.