यामाहाची आर-2 आवृत्ती बाजारात दाखल

भारतात एक्स शोरुम 2.30 लाख रुपये किंमत : 204 सीसी इंजिन

वृत्तसंस्था/नवी दिल्ली

बाजारात यामाहाची नवीन यामाहा वायझेडएफआर2 ही 204सीसी इंजिन असलेली बाईक आहे, जी ट्रॅक्शन कंट्रोल, तीन रायडिंग मोड्स आणि ड्युअल-चॅनल एबीएस सारखी वैशिष्ट्यो देते. किंमतीबद्दल बोलायचे झाल्यास, नवीन यामाहा वायझेडएफआर 2ची सुरुवातीची एक्स-शोरूम किंमत 2.30 लाख ते 2.53 लाख रुपयांच्या दरम्यान आहे. यामाहा वायझेडएफआर2 ची विक्री सप्टेंबरच्या मध्यापासून कंपनीच्या ब्लू स्क्वेअर डीलरशिपद्वारे सुरू होणार आहे. त्याचबरोबर, बाईकचे बुकिंगही सुरू झाले आहे. ग्राहक 10,000 रुपयांच्या रिफंडेबल टोकन रकमेसह बुकिंग करू शकतात. चला, या नवीन बाईकच्या इतर तपशिलांबद्दल जाणून घेऊया.

इंजिन : यामाहा वायझेडएफआर2 मध्ये नवीन 204सीसी, लिक्विड-कूल्ड, सिंगल-सिलेंडर इंजिन आहे. हे इंजिन 26.5एचपी पॉवर आणि 19.1 एनएम  टॉर्क निर्माण करते, याचा अर्थ ही बाईक आर 15 च्या तुलनेत परफॉर्मन्सच्या बाबतीत एक पाऊल पुढे आहे. कंपनीने ही बाईक हलक्या वजनाच्या डायमंड फ्रेमवर डिझाइन केली आहे. या फ्रेमचे वजन सुमारे 14 किलो आहे. संपूर्ण बाईकचे कर्ब वेट 149 किलो आहे. कमी वजनामुळे ही बाईक चालवायला आणि हाताळायला सोपी असेल अशी अपेक्षा आहे.

फीचर्स :  नवीन यामाहा वायझेडएफआर2  व्हेरिएंट्समध्ये लॉन्च करण्यात आली आहे. तिन्ही व्हेरिएंट्समध्ये अनेक आवश्यक फीचर्स स्टँडर्ड म्हणून मिळतात. यामध्ये ट्रॅक्शन कंट्रोल, स्लिपर क्लच, ड्युअल-चॅनल एबीएस आणि 5-इंच  टीएफटी  डिस्प्ले यांचा समावेश आहे. या बाईकसोबत तीन रायडिंग मोड्स देखील देण्यात आले आहेत. यामध्ये स्ट्रीट, स्पोर्ट आणि रेन यांचा समावेश आहे. रायडर रस्ता आणि हवामानानुसार या मोड्सपैकी निवड करू शकतो.