विंडीज क्रिकेट संघाची घोषणा

वृत्तसंस्था / सेंट जोन्स

विंडीजमध्ये होणाऱ्या इंग्लंड विरुद्धच्या आगामी टी-20 मालिकेसाठी यजमान विंडीज संघाची पहिल्या दोन सामन्याकरिता घोषणा करण्यात आली. विंडीज संघाचे नेतृत्व रोवमन पॉवेलकडे सोपविण्यात आले आहे.

2023 पासून विंडीज क्रिकेट संघाने आपल्या घरच्या मैदानावर झालेल्या चार टी-20 सामन्यात एकही पराभव पत्करलेला नाही. विंडीज संघाला डरेन सॅमी यांचे मार्गदर्शन लाभत आहे. उभय संघामध्ये पाच सामन्यांची टी-20 मालिका खेळविली जात आहे. या मालिकेतील पहिला सामना बार्बाडोसमध्ये शनिवारी उशीरा होत आहे. या मालिकेतील दुसरा सामना 10 नोव्हेंबरला होईल. या मालिकेतील शेवटचे तीन सामने सेंट लुसीयाच्या डरेन सॅमी नॅशनल स्टेडियमवर अनुक्रमे 14, 16, 17 नोव्हेंबरला खेळविले जातील.

विंडीज संघ: रोवमन पॉवेल (कर्णधार), चेस, मॅथ्यु फोर्ड, हेटमायर, हिंडस्, शाय हॉप, अकिल हुसेन, शमार जोसेफ, ब्रेंडॉन किंग, लेव्हीस, मोती, निकोलास पुरन, रसेल, रुदरफोर्ड आणि शेफर्ड.