वाढत्या करामुळे स्टील किंग लक्ष्मी मित्तल ब्रिटन सोडणार?

ब्रिटनमधील 8 वे श्रीमंत व्यक्ती : दुबईला जाणार

लंडन :

जगातील दुसऱ्या क्रमांकाची सर्वात मोठी स्टील कंपनी आणि ब्रिटनमधील अव्वल अब्जाधीशांपैकी एक असलेल्या आर्सेलर मित्तलचे मालक लक्ष्मी मित्तल ब्रिटन सोडत आहेत. एका वृत्तानुसार, श्रीमंतांवर कर वाढवण्याच्या लेबर पक्षाच्या नवीन सरकारने तयारी केल्यामुळे मित्तल यांनी हा निर्णय घेतला आहे.

मित्तल यांची एकूण संपत्ती सुमारे 1.8 लाख कोटी रुपये आहे. ते ब्रिटनमधील आठव्या क्रमांकाचे श्रीमंत व्यक्ती आहेत. ब्रिटनमध्ये 20 टक्के ‘एक्झिट टॅक्स’ लेबर पार्टी सरकारमधील अर्थमंत्री राहेल रीव्हज देशाची अर्थव्यवस्था सुधारण्यासाठी 20 अब्ज पौंड (सुमारे 2.3 लाख कोटी रुपये) निधी उभारण्याचा प्रयत्न करीत आहेत.

20 टक्के पर्यंत एक्झिट टॅक्स जाहीर करण्याची शक्यता आहे. यापूर्वी सरकारने एप्रिल 2025 पासून भांडवली नफा कर 10 टक्केवरून 14 टक्केपर्यंत वाढवला होता. 2026 मध्ये तो 18 टक्केपर्यंत पोहोचणार आहे. मित्तल कुटुंबाच्या एका सल्लागाराने सांगितले की, सर्वात मोठी चिंता वारसा कर आहे. बहुतेक श्रीमंत परदेशी लोकांना त्यांच्या जगभरातील मालमत्तेवर यूके वारसा कर का लावावा हे समजत नाही. ते तुम्हाला देश सोडण्यास भाग पाडत आहेत. एप्रिलमध्ये नॉन-डोम स्टेटस संपल्यानंतर, अनेक श्रीमंत लोकांनी यूके सोडण्याचा निर्णय घेतला. या जुन्या व्यवस्थेने श्रीमंतांना फक्त यूकेमध्ये उत्पन्नावर कर भरण्याची परवानगी दिली.