सूर्यवंशीच्या धडाक्याला गुजरात रोखू शकेल?

गुजरात टायटन्सचा आज राजस्थान रॉयल्सविरुद्ध ‘क्वालिफायर 2’ सामना, अंतिम फेरीत प्रवेशाची आणखी एक संधी

वृत्तसंस्था/मुल्लानपूर

आज शुक्रवारी येथे होणाऱ्या आयपीएल 2026 च्या ‘क्वालिफायर 2’मध्ये राजस्थान रॉयल्सविऊद्ध खेळताना गुजरात टायटन्सच्या प्रभावी वेगवान गोलंदाजी आक्रमणाला धडाकेबाज युवा खेळाडू वैभव सूर्यवंशीला रोखावे लागेल. त्याशिवाय त्यांच्या आघाडीच्या फळीने चांगली कामगिरी करणे आवश्यक आहे. या दोन संघांमधील मागील सामन्यात मोहम्मद सिराजने एक षटकार मारल्यानंतर आखूड टप्प्याच्या चेंडूवर सूर्यवंशीला बाद केले होते. कागिसो रबाडालाही सूर्यवंशीच्या धडाकेबाज फटकेबाजीचा फटका बसला होता. या स्पर्धेत सिराज आणि रबाडा या दोघांनीही टायटन्सला सुऊवातीलाच यश मिळवून दिले आहे. परंतु या 15 वर्षीय खेळाडूने सनरायझर्स हैदराबादविऊद्धच्या एलिमिनेटर सामन्यात 29 चेंडूंमध्ये सनसनाटी 97 धावा करून एक नवा मापदंड प्रस्थापित केला आहे.

मुल्लानपूरमधील खेळपट्टी पुन्हा एकदा फलंदाजीसाठी अनुकूल असण्याची अपेक्षा आहे आणि सूर्यवंशी त्याच पद्धतीने प्रत्येक चेंडू सीमारेषेबाहेर मारण्याचा प्रयत्न करेल जसे त्याने पॅट कमिन्सला चोपले होते. हा सनसनाटी खेळाडू अनेक वेळा आखूड टप्प्याच्या चेंडूवर बाद झाला आहे आणि कदाचित हीच एक जागा आहे जी गुजरातचे गोलंदाज विचारपूर्वक लक्ष्य करू पाहत असतील. सध्या चांगल्या लयीत असलेला रॉयल्स संघ सूर्यवंशी आणि जोफ्रा आर्चर यांच्यावर मोठ्या प्रमाणावर अवलंबून आहे. या दोन्ही खेळाडूंनी सनरायझर्सविऊद्धचा ‘एलिमिनेटर’ सामना प्रभावीपणे जिंकून दिला. यशस्वी जैस्वाल डावाच्या सुऊवातीला सूर्यवंशीच्या धडाकेबाज फटकेबाजीमुळे पूर्णपणे झाकोळला गेला आहे.

ध्रुव जुरेलने तिसऱ्या क्रमांकावर चांगली कामगिरी केली आहे, परंतु सूर्यवंशीने दिलेल्या सुऊवातीच्या आघाडीचा त्याला फायदा झाला आहे. कर्णधार रियान परागच्या स्वत:च्या कबुलीनुसार, बुधवारी रॉयल्सने 260 धावा करायला हव्या होत्या, पण अखेरच्या षटकांमध्ये त्यांची फलंदाजी अनाकलनीयपणे कोसळली. त्यांना नक्कीच आपल्या फिनिशिंग कौशल्यात सुधारणा करावी लागेल. दुसरीकडे, रॉयल चॅलेंजर्स बेंगळूरकडून दाऊण पराभव पत्करल्यानंतर टायटन्सला आयपीएलच्या अंतिम फेरीत पोहोचण्याची आणखी एक संधी मिळाली आहे. टायटन्सचा भर त्यांच्या पहिल्या तीन फलंदाजांवर आहे-शुभमन गिल, साई सुदर्शन आणि जोस बटलर. जर त्यांनी चांगली कामगिरी केली नाही, तर सामना फिरवण्यासाठी त्यांच्याकडे फलंदाजीची पुरेशी खोली नाही.

आरसीबीविऊद्धच्या सामन्याप्रमाणे जर त्यांच्याविऊद्ध 250 पेक्षा जास्त धावा काढल्या गेल्या, तर गिल आणि सुदर्शन यांच्यावर अतिरिक्त दबाव येईल. हे दोघेही सातत्यपूर्ण आहेत, पण पहिल्या चेंडूपासूनच तुफानी फटकेबाजी करू शकत नाहीत. त्यांची गोलंदाजी ही सर्वांत मोठी ताकद राहिली आहे. पण धरमशाला येथे अखेरच्या षटकांमध्ये ती पूर्णपणे अपयशी ठरली, जिथे आरसीबीचा कर्णधार रजत पाटीदारने गिल आणि त्याच्या सहकाऱ्यांकडून सामना हिसकावून घेतला. टायटन्सला क्षेत्ररक्षणातही मोठी सुधारणा करण्याची गरज आहे. त्यांची मधली आणि खालची फळी फारसा आत्मविश्वास निर्माण करत नाही. पण मागच्या सामन्यात राहुल तेवतियाने केलेल्या धावा ही काही सकारात्मक बाबींपैकी एक होती.

जर गोलंदाजांनी या स्पर्धेतील बहुतांश सामन्यांप्रमाणेच कामगिरीची पुनरावृत्ती केली, तर टायटन्स संघ रविवारच्या अंतिम सामन्यात पोहोचण्याच्या दृष्टीने प्रबळ दावेदार ठरेल. शहरात अत्यंत उष्ण हवामान आहे, परंतु सूर्यवंशीच्या आणखी एका विशेष खेळीच्या शक्यतेमुळे शहराबाहेरील आलिशान स्टेडियममध्ये हजारो लोक आकर्षित होतील यात शंका नाही.

वैभवच्या कामगिरीने क्रिकेटविश्व चकित

या सामन्यापूर्वी सर्वाधिक चर्चा राजस्थानच्या 15 वषीय युवा फलंदाज वैभव सूर्यवंशीची आहे. एलिमिनेटरमध्ये त्याने सनरायझर्स हैदराबादविऊद्ध अवघ्या 29 चेंडूत 97 धावांची वादळी खेळी करून क्रिकेटविश्वाला चकित केले आहे. त्याच्या खेळीत 12 षटकारांचा समावेश होता. याच खेळीमुळे राजस्थानने 47 धावांनी विजय मिळवत क्वालिफायर-2 मध्ये धडक मारली. या हंगामात सूर्यवंशीने 680 धावा करत 65 षटकार ठोकले असून त्याने ख्रिस गेलचा एका हंगामातील सर्वाधिक षटकारांचा विक्रमही मोडला आहे. त्याच्या आक्रमक फलंदाजीमुळे गुजरातच्या गोलंदाजांसमोर मोठे आव्हान उभे राहणार आहे.

हेड-टू-हेडमध्ये गुजरात आघाडीवर

दोन्ही संघांमधील एकूण 10 सामन्यांमध्ये गुजरातने 7 विजय मिळवले आहेत तर राजस्थानला केवळ 3 वेळा यश मिळाले आहे. आकडेवारी गुजरातच्या बाजूने असली तरी प्लेऑफसारख्या दबावाच्या सामन्यात जुने विक्रम फारसे महत्त्वाचे ठरत नाहीत. न्यू चंदीगडची खेळपट्टी यंदा फलंदाजांसाठी स्वर्ग ठरली आहे. येथे अनेक सामन्यांत 400 पेक्षा अधिक धावांचा एकत्रित स्कोअर पाहायला मिळाला आहे. त्यामुळे आजच्याही सामन्यात धावांचा पाऊस पडण्याची शक्मयता व्यक्त केली जात आहे. नाणेफेक जिंकणारा संघ प्रथम गोलंदाजी करण्याचा निर्णय घेऊ शकतो.

संघ

गुजरात टायटन्स : शुभमन गिल (कर्णधार), साई सुदर्शन, जोस बटलर, वॉशिंग्टन सुंदर, निशांत सिंधू, जेसन होल्डर, रशिद खान, कुलवंत खेजरोलिया, कागिसो रबाडा, मोहम्मद सिराज, प्रसिद्ध कृष्णा.

राजस्थान रॉयल्स : रियान पराग (कर्णधार), यशस्वी जैस्वाल, वैभव सूर्यवंशी, ध्रुव जुरेल, डोनोवन फरेरा, दासून शनाका, रवींद्र जडेजा, जोफ्रा आर्चर, नांद्रे बर्गर, ब्रिजेश शर्मा, यशराज पुंजा.

सामन्याची वेळ : सायंकाळी 7.30 वा.