राजस्थानच्या धडाक्यापुढे दिल्ली टिकू शकणार ?

चार पराभवांसह सातव्या स्थानावर असल्याने दिल्लीने परिस्थिती लवकर बदलण्याची गरज

वृत्तसंस्था

जयपूर : आज शुक्रवारी जयपूरमध्ये आत्मविश्वासाने भारलेल्या राजस्थान रॉयल्सचा सामना करण्यासाठी सज्ज झालेल्या दिल्ली कॅपिटल्सकडे मागील निराशाजनक निकालांच्या मालिकेवर विचार करायला फारसा वेळ नाही. अक्षर पटेलच्या नेतृत्वाखालील संघासाठी हा हंगाम खूपच कठीण गेला आहे.

250 पेक्षा जास्त धावा करूनही विश्वविक्रमी धावसंख्येचा पाठलाग केला गेल्याने पराभव पत्करावा लागण्यापासून ते रॉयल चॅलेंजर्स बेंगळूरविऊद्ध 75 धावांवर सर्व बाद होण्यापर्यंत मागील दोन सामन्यांमध्ये दिल्लीने टोकाची कामगिरी केली आहे. यामध्ये या महिन्याच्या सुऊवातीला गुजरात टायटन्सविऊद्ध एका धावेने झालेल्या पराभवाची भर पडल्याने दिल्लीला भावनिकदृष्ट्या त्रासदायक निकालांचा सामना करावा लागला आहे. तीन विजय आणि चार पराभवांसह ते गुणतालिकेत सातव्या स्थानावर आहेत आणि त्यांना लवकरच परिस्थितीत बदल घडवून आणण्याची गरज आहे.

दिल्लीची सर्वांत मोठी चिंता त्यांच्या फलंदाजीतील सातत्यहीनता आहे. के. एल. राहुल, डेव्हिड मिलर, ट्रिस्टन स्टब्स आणि समीर रिझवी यासारख्या खेळाडूंनी अधूनमधून योगदान दिले असले, तरी संघ एकत्रितपणे चांगली कामगिरी करण्यात अपयशी ठरला आहे. मागील सामन्यात अभिषेक पोरेलने ‘इम्पॅक्ट प्लेयर’ म्हणून केलेली खेळी ही काही सकारात्मक बाबींपैकी एक होती, ज्यामुळे संघाला विक्रमी कमी धावसंख्येवर बाद होणे टाळता आले. संघ व्यवस्थापन त्याला अंतिम 11 खेळाडूंमध्ये संधी देण्यास उत्सुक असेल.

गोलंदाजीच्या आघाडीवर दिल्लीसाठी चांगली बातमी आहे. क्रिकेट ऑस्ट्रेलियाकडून 1 मेपासून खेळण्यासाठी परवानगी मिळाल्यानंतर वेगवान गोलंदाज मिचेल स्टार्क संघात परतणार आहे. लुंगी एनगिडी अजूनही अनुपलब्ध असल्याने स्टार्कचा संघात समावेश होणे हे संघासाठी एक योग्य वेळी मिळालेले बळ आहे. तो काईल जेमिसन किंवा दुष्मंथा चमीरा या दोघांपैकी एकाची जागा घेण्याची शक्यता आहे.

मागील सामन्यात 75 धावांचा बचाव करताना दिल्लीचे गोलंदाज फार काही करू शकले नाहीत, पण राजस्थानच्या मजबूत फलंदाजी फळीविऊद्ध त्यांना अधिक प्रभावी खेळ करावा लागेल. राजस्थानची आघाडीची फळी आक्रमक राहिली आहे, ज्यात निर्भीड वैभव सूर्यवंशीने सुऊवातीपासूनच जसप्रीत बुमराह, जोश हेझलवूड आणि पॅट कमिन्ससारख्या जागतिक दर्जाच्या गोलंदाजांवर हल्ला केला आहे आणि यशस्वी जैस्वालही चांगल्या लयीत दिसत आहे.

चौथ्या स्थानावर असलेला रॉयल्स संघ आत्मविश्वासाने या सामन्यात उतरणार आहे. कारण त्यांनी नुकताच पंजाब किंग्सला या हंगामातील पहिला पराभव स्वीकारायला लावला. नऊ सामन्यांमधील हा त्यांचा सहावा विजय होता. राजस्थानसाठी आणखी एक सकारात्मक बाब म्हणजे संथ सुऊवातीनंतर त्यांच्या मधल्या फळीने पुन्हा लय पकडली आहे. यामुळे त्यांच्या संघात अधिक संतुलन आले आहे आणि संपूर्ण डावात त्यांना रोखणे अधिक कठीण बनले आहे. दबावाखाली असलेल्या दिल्लीच्या गोलंदाजी आक्रमणाविऊद्ध राजस्थान आपला विजयी सिलसिला कायम ठेवण्याचा आत्मविश्वास बाळगून असेल.

संघ-राजस्थान रॉयल्स : रियान पराग (कर्णधार), यशस्वी जैस्वाल, वैभव सूर्यवंशी, शुभम दुबे, शिमरोन हेटमायर, अमन राव पेराला, ध्रुव जुरेल, लुआन-ड्रे प्रिटोरियस, रवी सिंग, रवींद्र जडेजा, डोनोव्हान फरेरा, दासुन शनाका, युधवीर सिंह चरक, जोफ्रा आर्चर, रवी बिश्नोई, संदीप शर्मा, नांद्रे बर्गर, तुषार देशपांडे, क्वेना मफाका, अॅडम मिलने, कुलदीप सेन, सुशांत मिश्रा, ब्रिजेश शर्मा, विघ्नेश पुथूर, यशराज पुंजा.

दिल्ली कॅपिटल्स : अक्षर पटेल (कर्णधार), कऊण नायर, डेव्हिड मिलर, पथुम निसांका, साहिल पारख, पृथ्वी शॉ, के. एल. राहुल, अभिषेक पोरेल, ट्रिस्टन स्टब्स, नितीश राणा, समीर रिझवी, आशुतोष शर्मा, अजय मंडल, माधव तिवारी, त्रिपुराना विजय, विपराज निगम, रेहान अहमद, मिचेल स्टार्क, कुलदीप यादव, टी. नटराजन, मुकेश कुमार, लुंगी एनगिडी, काइल जेमिसन, दुष्मंथा चमीरा, आकिब नबी.

सामन्याची वेळ : सायंकाळी 7.30 वा.