Wayanad Land Sliding अंगावर शहारे आणणारा व्हिडिओ व्हायरल वायनाडमध्ये भूस्लखन...२ जणांचा मृत्यू तर ७ जण जखमी

केरळमधील वायनाड येथील भूस्खलनाचा अंगावर शहारे आणणारा एक व्हिडिओ सध्या सोशल मिडीयावर वेगाने व्हायरल होताना दिसत आहे. या व्हिडिओमध्ये डोंगराच्या पायथ्याशी असलेला एक ट्रक डोंगरावरुन वाहून आलेल्या दगड मातीमुळे काही अंतरावर घसरल्याचे दिसते तर काही नागरिक दूर पळून जाताना रस्त्यावरच पडल्याचे दिसत आहे. या दुर्घटनेत दोन जणांचा मृत्यू झाल्याची माहिती मिळाली आहे.

मिळालेल्या माहितीनुसार केरळच्या वायनाड जिल्ह्यात झालेल्या मोठ्या भूस्खलनात किमान दोन जणांचा मृत्यू झाला असून सात जण जखमी झाले आहेत असा प्राथमिक अंदाज आहे. ढिगाऱ्याखाली अडकल्याची भीती असलेल्या लोकांना बाहेर काढण्याचे बचावकार्य सुरू असताना, या घटनेची थरारक दृश्ये सोशल मीडियावर व्हायरल झाली आहेत.

कोझिकोड आणि वायनाड बोगद्याचे काम

व्हिडिओमध्ये, कोझिकोड आणि वायनाड जिल्ह्यांना जोडणाऱ्या सुरू असलेल्या बोगद्याचे काम सुरु आहे. याच प्रकल्पाच्या कल्लाडी येथील मीनाक्षी पुलाजवळ साचलेला चिखलाचा मोठा ढिगारा पावसामुळे अचानक खाली कोसळताना दिसत आहे. यामुळे झाडे उन्मळून पडत असून, बांधकाम स्थळावर लावलेले धातूचे आणि कापडी अडथळे उडून जात आहेत. व्हिडिओमध्ये भूस्खलनाच्या तडाख्याने एक ट्रक आणि एक बसदेखील वाहून जाताना दिसत आहेत. 

वायनाड में भीषण हादसा CCTV

केरल के वायनाड में मानसून की मूसलाधार बारिश के बीच कुदरत का बेहद खौफनाक रूप देखने को मिला,वायनाड के मेप्पाडी के पास कल्लाडी में निर्माणाधीन टनल प्रोजेक्ट के मुहाने पर भीषण लैंडस्लाइड हुआ,कई चपेट में आ गए हैं..#Wayanad #Landslide pic.twitter.com/NHDy3gAcrT

— Abhishek Dwivedi /अभिषेक द्विवेदी 🇮🇳 (@Dubeyjilive) July 7, 2026

मिळालेल्या वृत्तानुसार, भूस्खलनामुळे किमान सात जण बेपत्ता झाल्याची पुष्टी झाली आहे, तर इतर सात जणांना वाचवण्यात आले असून ते जखमी आहेत. आतापर्यंत मृतांची संख्या दोन झाली आहे.

"दोन मृत्यूंची पुष्टी झाली आहे. रस्ता मोकळा झाल्यानंतर बचावकार्य पूर्ण केले जाईल. केरळबाहेरील मजुरांवर उपचार करण्यासाठी आम्ही वायनाडमधील सर्व रुग्णालयांना निर्देश दिले आहेत. प्राथमिक अहवालानुसार, या घटनेत कोणताही स्थानिक नागरिक बाधित झालेला नाही," असे आरोग्य मंत्री के. मुरलीधरन म्हणाले.