निम्म्या शहरात उद्या पाणीपुरवठा बंद
कोल्हापूर :
महावितरण कंपनीच्या वतीने सोमवारी (3 फेब्रुवारी) बालिंगा सब स्टेशन येथील 33 किलोव्हॅट मुख्य विज वाहिनीच्या मासिक देखभाल दुरुस्तीचे काम हाती घेण्यात येणार आहे. यामुळे सोमवारी बालिंगा उपसा केंद्रातून उपसा होवू शकणार नाही आहे. यामुळे सोमवारी शहरातील ए, बी वॉर्ड आणि त्यावरील संलग्नीत असणाऱ्या प्रभागामध्ये पाणीपुरवठा बंद राहणार आहे. मंगळवारी शहरातील पाणीपुरवठा अपुरा व कमी दाबाने होणार आहे.
महावितरण कंपनीच्या वतीने बालिंगा सब स्टेशन येथील 33 किलोव्हॅटच्या मुख्य विज वाहिनीच्या देखभाल दुरुस्तीचे काम हाती घेण्यात येणार आहे. यामुळे सोमवारी बालिंगा उपसा केंद्राचा विद्युत पुरवठा बंद राहणार आहे. यामुळे शहरातील पाणी पुरवठ्यावर परिणाम होणार आहे. यामध्ये ए, बी, वॉर्ड त्यास सलग्नीत उपनगरे, ग्रामिण भाग व शहराअंतर्गत येणाऱ्या लक्षतीर्थ वसाहत, संपूर्ण फुलेवाडी रिंगरोड, सानेगुरूजी वसाहत, राजेसंभाजी, क्रशरचौक, आपटेनगर टाकी परिसर, राजोपाध्येनगर, कणेरकरनगर, क्रांतीसिंहनाना पाटील नगर, तुळजाभवानी कॉलनी, देवकर पाणंद, टेंभे रोड, शिवाजीपेठ, चंद्रेश्वररगल्ली, तटाकडील तालीम, साकोली कॉर्नर, उभा मारुती चौक, बिनखांबी गणेश मंदिर, महाव्दार रोड, मंगळवार पेठ काही भाग. संपूर्ण सी डी वॉर्ड दुधाळी, गंगावेश, उत्तरेश्वर पेठ, शुक्रवार पेठ, ब्रम्हपुरी, बुधवारपेठ तालिम, सिध्दार्थनगर, पापाची तिकटी, लक्ष्मीपुरी, शनिवार पेठ, सोमवार पेठ, ट्रेझरी ऑफीस, बिंदुचौक, कॉमर्स कॉलेज परिसर, आझाद चौक, उमा टॉकीज परिसर, महालक्ष्मी मंदीर परिसर, गुजरी, मिरजकर तिकटी परिसर, देवलक्लब व त्यास सलग्नीत ग्रामिण भाग व उपनगरे. ई वॉर्ड खानविलकर पेट्रोलपंप परिसर, शाहुपूरी 5, 6, 7 व 8 वी गल्ली, कुंभार गल्ली व बागल चौक इत्यादी भागात भागामध्ये दैनंदिन होणारा पाणी पुरवठा बंद राहणार आहे. तरी नागरिकांनी उपलब्ध पाणी काटकसरीने वापरून महानगरपालिकेस सहकार्य करावे असे आवाहन महापालिकेच्या पाणीपुरवठा विभागाच्यावतीने करण्यात आले आहे.
पुन्हा एकदा पाणी संकट
मागील आठवड्यामध्ये थेट पाईपलाईन योजनेचे काळम्मावाडी उपसा केंद्रातील उपसा करणारे दोन पंप बंद पडले होते. व्हीएमडी कार्डमधील तांत्रिक बिघाडामुळे हे पंप आठ दिवस बंद होते. यामुळे शहरातील पाणीपुरवठा अपुराव कमी दाबाने होता. शनिवारी हा पाणीपुरवठा सुरळीत झाला, तोपर्यंतच पुन्हा सोमवारी पाणीपुरवठा बंद राहणार आहे.