Warrior Spider: अनोखी जाळी तयार करणारा 'सिग्नेचर स्पायडर' तुम्ही पाहिलाय?

उष्णकटीबंधीय आणि समशितोष्ण हवामानात आर्जिओप कोळी आढळतात

सरवडे : राधानगरी परिसरात दुर्मीळ ‘वॉरिअर स्पायडर' हा कोळी जातीचा कीटक आढळल्याची माहिती वसुंधरा मित्र तुषार साळगांवकर यांनी दिली. याला ‘सिग्नेचर स्पायडर' नावानेही ओळखले जाते, असे ते म्हणाले. जगभरातील उष्णकटीबंधीय आणि समशितोष्ण हवामानात आर्जिओप कोळी आढळतात.

त्यांना आक्रमक मानले जात नाही आणि ते चावण्यास कचरतात. जरी ते सौम्य विषारी असले तरी त्यांच्या आहारात ड्रॅगनफ्लाय, माश्या आणि डासांसह कीटक असतात. ते बागांसाठी फायदेशीर आहेत कारण ते कीटकांच्या संख्येवर नियंत्रण ठेवण्यास मदत करतात.

आर्जिओप अनासुजा प्रजाती सेशेल्स, भारत, पाकिस्तान, नेपाळ, श्रीलंका, मालदीव आणि ब्राझीलमध्ये आढळतात. आर्जिओप कीसरलिंगी हा सेंट अँड्यूज क्रॉस स्पायडर म्हणून ओळखला जातो आणि तो ऑस्ट्रेलियामध्ये आढळतो. आर्जिओप अमोएना आशियामध्ये देखील आढळतो. हे कोळी त्यांच्या आकर्षक दिसण्यासाठी ओळखले जातात.

बहुतेकदा त्यांचे रंग चांदीसारखे असतात आणि त्यांचे पोट चमकदार असते. त्यांनी तयार केलेल्या अनोख्या जाळ्याच्या सजावटीमुळे त्यांना 'सिग्नेचर स्पायडर" असेही म्हणतात. राधानगरी निसर्गभूमीत व पश्चिम घाटाच्या परिसरात वन्यजीव अन्नसाखळीत त्यांचे अस्तित्व व महत्व आजही टिकून आहे.