लोकसभा पोटनिवडणुकीसाठी 23 जूनला मतदान

उत्तर प्रदेशसह 6 राज्यातील पोटनिवडणुकांची घोषणा

नवी दिल्ली / वृत्तसंस्था

केंद्रीय निवडणूक आयोगाने उत्तर प्रदेशसह 6 राज्ये/केंद्रशासित प्रदेशांमधील लोकसभा आणि विधानसभेच्या 10 जागांसाठी पोटनिवडणुकीच्या तारखा जाहीर केल्या आहेत. आयोगाने दिलेल्या माहितीनुसार उत्तर प्रदेश, पंजाब, त्रिपुरा, आंध्रप्रदेश, दिल्ली आणि झारखंडमध्ये 23 जून रोजी मतदान होणार आहे. उत्तर प्रदेशातील रामपूर आणि आझमगड, पंजाबमधील संगरूर या तीन लोकसभा जागांवर मतदान होणार आहे. त्रिपुरातील आगरतळा, टाऊन बारडोली, सुरमा, जुबराजनगर, आंध्रप्रदेशातील आत्मकूर, दिल्लीतील राजेंद्रनगर आणि झारखंडमधील मंधार अशा एकंदर 7 विधानसभा मतदारसंघातही मतदान होणार आहे.