व्होल्वो एक्ससी 90 फेसलिफ्ट भारतीय बाजारात दाखल

बीएमडब्लू एक्स 5, ऑडू क्यू7 आणि लेक्सस आरएक्ससोबत स्पर्धा करणार

नवी दिल्ली : 

स्वीडिश कार निर्मिती कंपनी व्होल्वो कार्स इंडियाने भारतीय बाजारात त्यांच्या प्रमुख एसयूव्ही व्होल्वो एक्ससी 90 चे फेसलिफ्ट लाँच केले आहे. कंपनीने गेल्या वर्षी सप्टेंबरमध्ये जागतिक बाजारात दुसऱ्या पिढीचे मॉडेल लाँच केले होते. ते कॉस्मेटिक बदलांसह सादर करण्यात आले आहे. 2025 व्होल्वो एक्ससी 90 ची सुरुवातीची (एक्स-शोरूम, संपूर्ण भारतात) किंमत 1.03 कोटी रुपये आहे, जी सध्याच्या मॉडेलपेक्षा 2 लाख रुपये जास्त आहे. ही या वैशिष्ट्यापूर्ण प्रकारात उपलब्ध आहे. ही गाडी या विभागात मर्सिडीज-बेंझ जीएलइ, बीएमडब्लू एक्स 5, ऑडू क्यू7 आणि लेक्सस आरएक्स  यांच्यासोबत स्पर्धा करणार आहे.

जागतिक स्तरावर, ही एसयूव्ही 2-लिटर टर्बो पेट्रोल इंजिनसह 48-व्होल्ट माइल्ड हायब्रिड तंत्रज्ञान आणि प्लग-इन हायब्रिड तंत्रज्ञान पर्यायासह येते. ती भारतात माइल्ड हायब्रिड इंजिनसह सादर करण्यात आली आहे. व्होल्वो एक्ससी90 पहिल्यांदा 2014 मध्ये लाँच करण्यात आली.  बाह्य भाग: नवीन डिझाइन ग्रिलसह 21 इंच ड्युअल-टोन अलॉय व्हील्स नवीन व्होल्वो एक्ससी 90  ची एकूण डिझाइन सध्याच्या मॉडेलसारखीच आहे. त्यात क्रोम एलिमेंट्ससह नवीन डिझाइन ग्रिल आहे.

अंतर्गत भाग: 12.3-इंच ड्रायव्हर डिस्प्ले आणि 11.2-इंच फ्रीस्टँडिंग टचक्रीन फेसलिफ्ट व्होल्वो एक्ससी 90  चे केबिन सध्याच्या मॉडेलसारखेच 7-सीटर असेल. त्यात 3-स्पोक स्टीअरिंग व्हील, ड्युअल-टोन थीम आणि लेदर सीट अपहोल्स्ट्री असेल. एक्ससी 90 फेसलिफ्टमध्ये शाश्वत साहित्याचा वापर केला जाणार असल्याचेही स्पष्ट केले आहे.