व्होडाफोन-आयडिया ट्रायच्या रडारवर
जिओ आणि एअरटेलच्या आरोपांनंतर एमएनपी वादाची होणार चौकशी
वृत्तसंस्था/नवी दिल्ली
भारतीय दूरसंचार नियामक आणि विकास प्राधिकरण (ट्राय) व्होडाफोन आयडियाने मोबाईल नंबर पोर्टेबिलिटी (एमएनपी) रोखण्यात केलेल्या कथित अनियमिततेची चौकशी करत आहे. भारती एअरटेल आणि रिलायन्स जिओने याबद्दल चिंता व्यक्त केली आहे. नियामकाने या प्रकरणाची अंतर्गत चौकशी करण्यासही सांगितले आहे. ट्रायचे अध्यक्ष अनिल कुमार लाहोटी यांनी सांगितले की, या मुद्यांवर विचार केला जात आहे आणि त्यांची चौकशी केली जात आहे.
ट्रायच्या एका वरिष्ठ अधिकाऱ्याने एका कार्यक्रमात सांगितले, ‘जेव्हा कोणी दखल घेईल, तेव्हा आता ट्रायची दखल घेतली जाईल.“ चिंतांचे निराकरण केले जाईल.“ एमएनपी ही एक अशी सेवा आहे जी ग्राहकांना त्यांचा फोन नंबर न बदलता नेटवर्क प्रदाता बदलण्याची परवानगी देते. या घडामोडींची माहिती असलेल्या आणखी एका अधिकाऱ्याने नाव न सांगण्याच्या अटीवर सांगितले की, ट्रायने ‘व्हीआय“ला या आरोपांची अंतर्गत चौकशी करून त्याचे निष्कर्ष नियामकाकडे सादर करण्यास सांगितले आहे. दुसरीकडे, ‘व्हीआय“ने म्हटले आहे की, त्यांच्या कृतीने कोणत्याही विद्यमान नियमांचे किंवा कायद्यांचे उल्लंघन केलेले नाही अधिकाऱ्याने सांगितले, ‘व्होडाफोन आयडियामध्ये आम्ही निष्पक्ष स्पर्धा, आमच्या उत्पादनांची क्षमता आणि आम्ही आमच्या ग्राहकांना देत असलेल्या मूल्यावर विश्वास ठेवतो.“