विराट चषक क्रिकेट स्पर्धेला प्रारंभ

बेळगाव : पॅरिस स्पोर्ट्स क्लब, महाद्वार रोड आयोजित दुसऱ्या विराट चषक टेनिस बॉल क्रिकेट स्पर्धेला उत्साहात प्रारंभ झाला. स्पर्धेच्या उdघाटन प्रसंगी प्रमुख पाहुणे म्हणून पुरस्कर्ते कपिल भोसले, रमाकांत कोंडुसकर, अमान सेठ, प्रणय शेट्टी, प्रदीप एम.जी., विशाल भातकांडे, विशाल हलदार, शीतल रामशेट्टी, उमेश कुरिहाळकर, विठ्ठल, सुनील लेंगडे, संदीप जाधव, गोविंद टक्केकर, सचिन सावंत, राहुल मुचंडी आदी मान्यवर उपस्थित होते. सदर स्पर्धेत 34 संघांनी भाग घेतला असून आठवडाभर चालणाऱ्या या स्पर्धेत विजेत्या संघाला रोख रक्कम व चषक असे बक्षीसे देण्यात येणार आहे. या शिवाय वैयक्तिक बक्षीसेही देण्यात येणार आहेत.