टाटा प्रोजेक्टच्या सीईओपदी विनायक पै

मुंबई : टाटा प्रोजेक्टच्या मुख्य कार्यकारी अधिकारीपदी विनायक पै यांची निवड करण्यात आली आहे. ते व्यवस्थापकीय संचालक पदाचीही धुरा सांभाळणार आहेत. याआधी त्यांची नियुक्ती कार्यकारी संचालक म्हणून कंपनीत झाली होती. त्यांना आता पदोन्नती देण्यात आली आहे. याआधी हॉलंडमधील वर्ले कंपनीत ते समूह अध्यक्ष म्हणून कार्यरत होते. युरोप, मध्य आशिया व आफ्रिकेतील कंपनीचा व्यवसाय त्यांनी पाहिला होता. कॉलेज ऑफ इंजिनियरिंग, पुणे येथून ते अभियांत्रिकी पदवीधर झाले आहेत तर सिम्बायोसिस, पुणे व आयआयटी मुंबईतून पदव्युत्तर पदवी त्यांनी संपादन केली आहे.