वेदांताचे समभाग विक्रमी उच्चांकावर

समभाग 5 टक्क्यांनी तेजीत : कंपनीचे बाजारमूल्य 2 लाख कोटींच्या घरात

मुंबई :

वेदांता लिमिटेडच्या समभागांनी 11 डिसेंबर रोजी विक्रमी उच्चांक गाठला. ट्रेडिंग दरम्यान कंपनीच्या समभागांनी 5 टक्क्यांची तेजी प्राप्त करुन 525.15 रुपयांच्या पातळीला स्पर्श केला, जो 52 आठवड्यांचा उच्चांकदेखील आहे. तो आता 3.38 टक्क्यांच्या वाढीसह 517.15 रुपयांवर व्यवहार करत आहे.यासह अनिल अग्रवाल यांच्या धातू आणि खाण कंपनी वेदांताच्या बाजारमूल्याने प्रथमच 2 लाख कोटी रुपयांचा टप्पा ओलांडला आहे. गेल्या पाच दिवसांत कंपनीच्या समभागांमध्ये सुमारे 10 टक्के वाढ झाली आहे. त्यात गेल्या एका महिन्यात 14 टक्के आणि सहा महिन्यांत 17 टक्क्यांची वाढ झाली आहे.

समभागाचा वर्षात 108 टक्के परतावा 

गेल्या एका वर्षात कंपनीच्या समभागांनी आपल्या गुंतवणूकदारांना 108 टक्के परतावा दिला आहे. या वर्षी जानेवारीपासून कंपनीचा समभाग 101 टक्क्यांवर वाढला आहे. त्याचवेळी, वेदांताच्या शेअरने पाच वर्षानंतर 246.22 टक्के इतका परतावा दिला आहे.

कंपनीचा शेअर 663 रुपयांपर्यंत जाऊ शकतो : नुवामा

नुवामा इन्स्टिट्यूशनल इक्विटीजच्या मते, कंपनीचा समभाग 663 रुपयांपर्यंत जाऊ शकतो. वेदांता लिमिटेडला गुंतवणूकदारांमध्ये लाभांश राजा म्हणून ओळखले जाते. त्याचे लाभांश उत्पन्न 8.15 टक्के आहे. तसेच नफा ते कमाई गुणोत्तर 17.40 आहे.

निव्वळ नफा 5,603 कोटी

आर्थिक वर्ष 2024-25 च्या दुसऱ्या तिमाहीत (जुलै-सप्टेंबर) वेदांताचा एकत्रित निव्वळ नफा वर्षाच्या आधारावर 5,603 कोटी होता. एक वर्षापूर्वी याच तिमाहीत कंपनीला 915 कोटींचा तोटा झाला होता. वर्षभराच्या आधारावर कंपनीचा ऑपरेशन्समधून एकत्रित महसूल 3.56 टक्के कमी आहे.