For the best experience, open
https://m.tarunbharat.com
on your mobile browser.
Advertisement
Maharashtra Government – Diwali

वास्को मार्केट आग दुर्घटनेतील व्यापाऱ्यांना 1.39 कोटींची मदत; 103 व्यापाऱ्यांचे 145 अर्ज; मुख्यमंत्र्यांच्या हस्ते नुकसानभरपाईचे धनादेश वितरित

01:17 PM Nov 03, 2026 IST | Tarun Bharat Portal
वास्को मार्केट आग दुर्घटनेतील व्यापाऱ्यांना 1 39 कोटींची मदत  103 व्यापाऱ्यांचे 145 अर्ज  मुख्यमंत्र्यांच्या हस्ते नुकसानभरपाईचे धनादेश वितरित
Advertisement
वास्को : वास्को येथील मॉडर्न मार्केटमध्ये लागलेल्या भीषण आगीत नुकसान झालेल्या व्यापाऱ्यांना सरकारकडून पहिल्या टप्प्यातील आर्थिक मदत वितरित करण्यात आली. सोमवारी रात्री मुरगाव पालिका सभागृहात आयोजित कार्यक्रमात मुख्यमंत्री डॉ. प्रमोद सावंत यांच्या हस्ते नुकसानग्रस्त व्यापाऱ्यांना नुकसानभरपाईचे धनादेश देण्यात आले. पहिल्या टप्प्यात एकूण 1 कोटी 39 लाख 25 हजार रुपयांचे वितरण करण्यात आले असून, व्यापाऱ्यांना 50 हजार ते 1 लाख रुपयांपर्यंतची मदत देण्यात आली.

या दुर्घटनेत नुकसान झालेल्या 103 व्यापाऱ्यांकडून नुकसानभरपाईसाठी 145 अर्ज दाखल झाले होते. आगीच्या घटनेनंतर अवघ्या पाच दिवसांत सरकारने मदत नुकसानग्रस्तांपर्यंत पोहोचवल्याचे मुख्यमंत्र्यांनी सांगितले. व्यापाऱ्यांच्या दुःखात सरकार सहभागी असून त्यांचे व्यवसाय पुन्हा सुरू होईपर्यंत सरकार त्यांच्या पाठीशी राहील, अशी ग्वाही त्यांनी दिली.

Advertisement

मॉडर्न मार्केटच्या जागेवर तात्पुरती शेड

आगीत जळालेल्या मॉडर्न मार्केटच्या इमारतीला कोसळण्याचा धोका असल्याने त्या इमारतीत किंवा तिच्या खाली पुन्हा व्यवसाय सुरू करणे शक्य नाही. त्यामुळे इमारतीच्या जागेवर तात्पुरती शेड उभारून सर्व व्यापाऱ्यांची व्यवस्था करण्यात येईल, असे मुख्यमंत्र्यांनी स्पष्ट केले. सर्व व्यापाऱ्यांचे व्यवसाय महिनाभरात पुन्हा सुरू होतील, अशी अपेक्षा व्यक्त करताना व्यवसाय सुरू होण्याच्या आठ दिवस आधी दुसऱ्या टप्प्यातील आर्थिक मदत देण्यात येईल, असेही त्यांनी सांगितले. व्यापाऱ्यांचे व्यवसाय पुन्हा सुरू झाल्यानंतर उद्घाटनासाठी आपण पुन्हा उपस्थित राहू, असे आश्वासनही त्यांनी दिले.

Advertisement

धोकादायक इमारती पाडण्याची मागणी

यावेळी आमदार दाजी साळकर आणि आमदार संकल्प आमोणकर यांनी नुकसानग्रस्त व्यापाऱ्यांना व्यवसाय पूर्ववत होईपर्यंत पूर्ण सहकार्य करण्याचे आश्वासन दिले. वास्को शहरात भविष्यात अशा दुर्घटना घडू नयेत यासाठी धोकादायक इमारती पाडण्याकरिता त्वरित पावले उचलावीत, अशी मागणी आमदार दाजी साळकर यांनी जिल्हाधिकारी एग्ना क्लिटस यांच्याकडे केली.

कार्यक्रमाला आमदार दाजी साळकर, आमदार संकल्प आमोणकर, जिल्हाधिकारी एग्ना क्लिटस, पोलिस अधीक्षक गुरुदास कदम, मुरगाव पालिका प्रशासक जयंत तारी, मुख्याधिकारी सिद्धीविनायक नाईक, दीपक नाईक, उपजिल्हाधिकारी प्रतापराव गांवकर, मामलेदार प्रचिणाज्य पंडित तसेच अन्य शासकीय अधिकारी उपस्थित होते.

Advertisement
Tags :

.