दुल्हनिया 3’ मध्ये वरुण गांधी

वरुण धवन पुन्हा एकदा ‘दुल्हा’ होऊन स्वत:च्या चाहत्यांना हसविण्यासाठी येणार आहे. हम्प्टी शर्मा की दुल्हनिया आणि बद्रीनाथ की दुल्हनिया या चित्रपटांनंतर वरुण आता पुन्हा ‘दुल्हा’ होण्यासाठी तयार आहे. शशांक खेतान दिग्दर्शित चित्रपटाची दीर्घकाळापासून प्रतीक्षा केली जात आहे. अखेर आता या चित्रपटासंबंधी माहिती समोर आली आहे.  धर्मा प्रॉडक्शनच्या बॅनर अंतर्गत निर्मित हम्प्टी शर्मा की दुल्हनिया हा 2014 मधील हिट चित्रपट ठरला होता. या चित्रपटात आलिया भट्ट आणि वरुण धवन हे मुख्य भूमिकेत होते. तर 2017 मध्ये बद्रीनाथ की दुल्हनिया हा चित्रपट प्रदर्शित झाला होता. यातही आलिया आणि वरुणची जोडी दिसून आली होती.

वरुण आता या फ्रेंचाइजीतील तिसऱ्या चित्रपटाचे चित्रिकरण लवकरच सुरू करणार आहे. करण जौहर आणि शशांक खेतानने यासंबंधी काम सुरू केले आहे.  या चित्रपटाचे नाव दुल्हनिया 3 असे ठरविले जाऊ शकते. या चित्रपटात जान्हवी कपूरची नायिका म्हणून निवड केली जाणार असल्याची चर्चा आहे. वरुण सध्या ‘वीडी 18’ या चित्रपटाचे चित्रिकरण करत आहे. या चित्रपटात तो वामिका गब्बीसोबत दिसून येणार आहे. समांथा रुथ प्रभूसाब्sात तो सिटाडेल या वेबसीरिजमध्ये काम करत आहे