‘भूल चूक माफ’मध्ये मुख्य भूमिकेत वामिका

राजकुमार रावसोबत काम करण्याची संधी

बॉलिवूड अभिनेता राजकुमार राव अलिकडेच ‘मिस्टर अँड मिसेस माही’ चित्रपटाद्वारे प्रेक्षकांच्या भेटीला आला आहे. या चित्रपटातील त्याच्या अभिनयाला प्रेक्षक आणि समीक्षकांकडून दाद मिळाली आहे. राजकुमार राव आता ‘भूल चूक माफ’ या चित्रपटात दिसून येणार आहे.

या चित्रपटाचे चित्रिकरण वाराणसी येथे होणार आहे. वामिका गब्बी या चित्रपटात मुख्य नायिकेची भूमिका साकारत आहे. दोघेही वाराणसी येथे चित्रिकरणात सामील झाले आहेत. करण शर्मा यांच्या दिग्दर्शनात तयार होणाऱ्या या चित्रपटात राजकुमार राव आणि वामिका यांची नवी जोडी प्रेक्षकांना पहायला मिळणार आहे.

यापूर्वी या चित्रपटात कार्तिक आर्यन आणि श्रद्धा कपूर यांची निवड करण्यात आल्याचे वृत्त होते, परंतु कार्तिकनेच हे वृत्त फेटाळले होते. राजकुमार राव आणि वामिका यांच्यासारखे दमदार कलाकार मुख्य भूमिकेत असल्याचे प्रेक्षकांची उत्सुकता वाढली आहे.