वैष्णवी आडकरचा बिली जीन किंग कप संघात समावेश

वृत्तसंस्था, नवी दिल्ली

6 एप्रिलपासून येथे होणाऱ्या बिली जीन किंग कप आशिया, ओशनिया ग्रुप लढतीसाठी मंगळवारी वैष्णवी आडकरला भारतीय संघात स्थान देण्यात आले. 21 वर्षीय आडकरने अलिकडेच बेंगळूरमध्ये इतिहास रचला. सानिया मिर्झानंतर डब्ल्यू 100 अंतिम फेरीत पोहोचणारी ती पहिली भारतीय महिला ठरली.

आडकरने 2024 मध्ये अहमदाबाद डब्ल्यू-15 विजेतेपदही जिंकले होते. ज्यामुळे तिच्या क्रमवारीत सातत्याने वाढ होत असल्याचे दिसून आले. आडकर व्यतिरिक्त, भारताने अनुभवी सहजा यमलापल्ली आणि श्रीवल्ली भामिदीपती, ऋतुजा यांच्यासह मैदानात उतरवले आहे. भोसले आणि अंकिता रैना, वैदेही चौधरीला राखीव खेळाडू म्हणून निवडण्यात आले आहे.

या स्पर्धेच्या एक आठवडा आधी प्रशिक्षण शिबिर आयोजित केले जाईल. विशाल उप्पल कर्णधार असतील आणि राधिका कानिटकर भारतीय संघाच्या प्रशिक्षक असतील, असे अखिल भारतीय टेनिस असोसिएशनने प्रसिद्धीपत्रकात म्हटले आहे. गेल्या वर्षी नोव्हेंबरमध्ये बेंगळूर येथे झालेल्या बिली जीन किंग कप प्लेऑफमध्ये भारताला नेदरलँड्स आणि स्लोव्हेनियाकडून पराभव पत्करावा लागला होता. ज्यामुळे त्यांना आशिया, ओशनिया गटामध्ये 2026 च्या मोहिमेची सुरूवात करावी लागत आहे.

भारताचा बिली जीन किंग कप संघ : सहजा यमलापल्ली, श्रीवल्ली भामिदीपती, ऋतुजा भोसले, अंकिता रैना, वैष्णवी आडकर. वैदेही चौधरी (राखीव).