पोईप येथून आ.वैभव नाईक यांच्या प्रचाराचा दणक्यात शुभारंभ

मालवण प्रतिनिधी

मालवण तालुक्यातील पोईप येथे शिवसेना उद्धव बाळासाहेब ठाकरे पक्षाचे कुडाळ-मालवण विधानसभा मतदारसंघाचे उमेदवार आमदार वैभव नाईक यांच्या प्रचाराचा शुभारंभ आज सकाळी ९.३० वा पोईपचे ग्रामदैवत मंदीर श्री. देव वेताळ मुंजेश्वर मंदिरात पोईप शिवसैनिकांच्या उपस्थित नारळ फोडून व श्री देव वेताळ मुंजेश्वरा च्या चरणी 'बा!! देवा महाराजा,वैभवचो सांभाळ करुन तेंका मोठ्या मताधिक्य्यान निवडून हान रे महाराजाsss...!!अस साकड घालून करण्यात आला. यावेळी उपस्थित शिवसैनिकांनी "वैभव नाईक आगे बढो,हम तुम्हारे साथ है", निष्ठेचे पाईक वैभव नाईक अशा जोरदार घोषणा देत प्रचाराचा शुभारंभ केला.
याप्रसंगी शिवसेना उद्धव बाळासाहेब ठाकरे पक्षाचे लोकप्रिय उमेदवार आमदार वैभव नाईक यांना विधानसभेच्या निवडणुकीत भरघोस मतांनी निवडून आणण्यासाठी आपण सर्वांनी एकजुटीने प्रयत्न करूया असा समस्त शिवसैनिकांनी निर्धार केला आहे.यावेळी मोठ्या संख्येने शिवसैनिक उपस्थित होते.