रेड 2 चित्रपटात वाणी कपूरची वर्णी

अजय देवगणकडून नव्या नायिकेचे स्वागत

बॉलिवूड स्टार अजय देवगणचे यावर्षी दोन चित्रपट प्रेक्षकांच्या भेटीला येणार असून यात ‘रेड 2’ हा चित्रपट सामील आहे. रेडच्या सीक्वेलची प्रतीक्षा चार वर्षांपासून केली जात आहे. अखेर ‘रेड 2’ ची घोषणा करण्यात आली आहे. तसेच याचे चित्रिकरणही सुरू झाले आहे. अजय देवगणने या चित्रपटाची घोषणा करत अनेक छायाचित्रे शेअर केली आहेत.

दोन छायाचित्रांमध्ये अजय, दाक्षिणात्य स्टार रवि तेजा, भूषण कुमार आणि उर्वरित टीम दिसून येत आहे. तसेच चित्रपटाचे एक पोस्ट शेअर करण्यात आले असून यातच प्रदर्शनाची तारीख नमूद आहे. 2018 मध्ये प्रदर्शित ‘रेड’ या चित्रपटात अजय देवगण आणि इलियाना डीक्रूज यांनी महत्त्वाची भूमिका साकारली होती. परंतु याच्या सीक्वेलमध्ये इलियाना दिसून येणार नाही. इलियानाच्या जागी वाणी अभिनेत्री कपूरची निवड करण्यात आली आहे. ‘रेड 2’ चित्रपटाद्वारे पहिल्यांदाच अजय देवगण आणि वाणी कपूर ही जोडी प्रेक्षकांना पहायला मिळणार आहे. वाणीने 2013 मध्ये ‘शुद्ध देसी रोमांस’ या चित्रपटाद्वारे बॉलिवूडमध्ये पदार्पण केले होते. यानंतर ती ‘बेफिक्रे’, ‘शमशेरा’, ‘चंदीगढ करे आशिकी’ आणि ‘वॉर’ यासारख्या चित्रपटांमध्ये दिसून आली आहे.

‘रेड 2’ या चित्रपटाचे मुंबईसाब्sात दिल्ली, उत्तरप्रदेश आणि राजस्थानात चित्रिकरण पार पडणार आहे. हा चित्रपट 15 नोव्हेंबर रोजी प्रदर्शित होणार आहे. सीक्वेलचे दिग्दर्शन राजकुमार गुप्ता करत आहेत. या चित्रपटाची निर्मिती भूषण कुमार, कृष्ण कुमार आणि कुमार मंगत पाठक हे मिळून करत आहेत.