यू मुम्बाचा बेंगळूरवर निसटता विजय

वृत्तसंस्था/ नोएडा

2024 च्या प्रो कबड्डी लीग स्पर्धेतील येथे खेळविण्यात आलेल्या चुरशीच्या सामन्यात यू मुम्बाने बेंगळूर बुल्सवर 38-37 अशा केवळ एक गुणाच्या फरकाने निसटता विजय मिळविला. या स्पर्धेतील हा 62 वा सामना होता.

यू मुम्बातर्फे अजित चौहानने सुपर-10 तर मनजितने 9 गुण नोंदविले. सुनिलकुमार आणि ए. जाफरदनेश यांनी प्रत्येकी 4 गुण नोंदविले. बेंगळूर बुल्सतर्फे प्रदीप नरवालने सुपर-10 गुण नोंदविले. सामना सुरू झाल्यानंतर बेंगळूर बुल्सचा प्रदीप नरवाल आणि यू मुम्बाचा अजित चौहान यांनी आपल्या संघाला गुण मिळवून देण्यात यशस्वी ठरले. अजित चौहानच्या आक्रमक चढायांमुळे यू मुम्बाने काही गुणांची आघाडी मिळविली. अजितने बेंगळूर बुल्सच्या दोन खेळाडूंना बाद केले. अजिंक्य पवारने आपल्या चढाईवर 2 गुण मिळविले. सामन्याच्या मध्यंतरापूर्वी यू मुम्बाचे सर्वगडी बाद झाल्याने बेंगळूर बुल्सने निसटती आघाडी मिळविली होती. पहिल्या सत्रात बेंगळूर बुल्सने 8 गुण नोंदविले. सामन्याच्या मध्यंतरापर्यंत यू मुम्बाने बेंगळूर बुल्सवर 21-20 अशी निसटती आघाडी घेतली होती. सामन्याच्या उत्तराधार्थ परवेश बन्सवालच्या शानदार कामगिरीमुळे यू मुम्बाने बेंगळूर बुल्सवर 2 गुणांची आघाडी मिळविली. दरम्यान बेंगळूर बुल्सने आणखी एक गुण शेवटच्या पाच सेकंदात मिळविल्याने यू मुम्बाने हा सामना केवळ एका गुणाच्या फरकाने जिंकला. या विजयामुळे यू मुम्बाने स्पर्धेच्या गुणतालिकेत पुन्हा दुसरे स्थान पटकाविले आहे.