स्प्लेंडर, शाईनसारख्या दुचाकी 13 हजारपर्यंत होणार स्वस्त

वृत्तसंस्था/मुंबई

जीएसटी कौन्सिलने 3 सप्टेंबर रोजी नवीन स्लॅब जाहीर केला होता. 350 सीसीपेक्षा कमी मोटारसायकलींवरील जीएसटी 28 वरून 18 टक्केपर्यंत कमी केला जाणार आहे. यामुळे 22 सप्टेंबरपासून अनेक लोकप्रिय मॉडेल्सच्या बाईक्स स्वस्त होणार आहेत. यात हिरो स्प्लेंडर, होंडा शाइन, टीव्हीएस रेडर सारख्या बाईक्सचा समावेश आहे. त्याच वेळी, 350 सीसीपेक्षा जास्त क्षमतेच्या दुचाकींवर 40 टक्के कर आकारला जाईल. यामुळे या बाईक्स 40 हजार रुपयांपर्यंत महाग होतील. तथापि, इटालियन कंपनी मोटो मोरिनीने त्यांच्या दोन्ही बाईक्सच्या किमती कमी केल्या आहेत. त्यात रेट्रो स्ट्रीट आणि स्क्रॅम्बलरचा समावेश आहे. हिमालयन 450, शॉट गन सारख्या बाइक्स महाग होतील. जीएसटी स्लॅब चार्टनुसार 350 सीसीपेक्षा जास्त क्षमतेच्या बाइक्स आता ‘लक्झरी आयटम’ या श्रेणीत ठेवण्यात आल्या आहेत. यामुळे 440-650 सीसीच्या रॉयल एनफील्ड बाइक्स, केटीएम 390 सारख्या बाइक्स महाग होतील. या बाइक्स 40 हजार रुपयांपर्यंत महागू शकतात.

मोटो मोरिनीची किंमत वाढणार

मोटो मोरिनी म्हणतात की 22 सप्टेंबर 2025 पासून नवीन जीएसटी दर लागू झाल्यानंतर दोन्ही बाइक्सच्या किमती 33,000 रुपयांनी वाढतील. नवीन जीएसटी स्लॅबमध्ये, 350 सीसीपेक्षा जास्त क्षमतेच्या दुचाकींवर 40 टक्के कर आकारला जाईल. म्हणजेच, जर तुम्ही 22 सप्टेंबरनंतर या बाइक्स खरेदी केल्या तर त्या सुमारे 4.60 लाख रुपयांना उपलब्ध असतील.

यावर्षी दुसऱ्यांदा मोटो मोरिनी दरात कपात

यावर्षी दुसऱ्यांदा मोटो मोरिनी किमतीत कपात 2025 च्या सुरुवातीला, मोटो मोरिनी 650 रेट्रो स्ट्रीटची किंमत 6.99 लाख रुपये होती, तर 650 स्क्रॅम्बलर 7.10 लाख रुपयांना उपलब्ध होती. या वर्षी फेब्रुवारीमध्ये त्यांच्या किमती 2 लाख रुपयांनी कमी करण्यात आल्या होत्या, त्यानंतर रेट्रो स्ट्रीट 4.99 लाख रुपयांना आणि स्क्रॅम्बलर 5.20 लाख रुपयांना उपलब्ध होती. आता ब्रँडने किमती आणखी कमी केल्या आहेत, ज्यामुळे मोटो मोरिनीने आता दोन्ही मॉडेल्सची किंमत 4.29 लाख रुपयांवर सारखीच केली आहे.