जीएमव्ही पोर्टलवर 18 लाख कोटींची उलाढाल

आर्थिक वर्ष 2026 मधील कामगिरी : एमएसएमईचा 47 टक्क्यांचा वाटा

वृत्तसंस्था, नवी दिल्ली

सरकारी ई-मार्केटप्लेसने (जीइएम) 18.4 लाख कोटी रुपयांची विक्रमी विक्री केली आहे, ज्यात एमएसएमईचा 47 टक्के वाटा आहे आणि एआय-आधारित देखरेखीने महत्त्वाची भूमिका बजावली आहे. सरकारी जीइएम 2016 मध्ये स्थापनेपासून 18.4 लाख कोटी रुपयांचे एकूण सकल वस्तू मूल्य (जीएमव्ही) मिळवले आहे. केवळ आर्थिक वर्ष 2025-26 (एफवाय 26) मध्ये जीइएम 5 लाख कोटी रुपयांच्या 75.7 लाख ऑर्डर्स मिळाल्या.

यामध्ये, सूक्ष्म, लघु आणि मध्यम उद्योगांनी (एमएसएमई) ऑर्डर मूल्याचा 47 टक्के वाटा मिळवला. या प्लॅटफॉर्मने सूक्ष्म आणि लघु उद्योग (एमएसएमई), महिला-नेतृत्वाखालील एमएसई, एससी/एसटी एमएसई आणि स्टार्टअप्ससाठी प्रवेशातील अडथळे लक्षणीयरीत्या कमी केले आहेत.

जीइएमचे सीईओ मिहिर कुमार म्हणाले, ‘जीइमच्या एकंदर उलाढालीत पाहता सूक्ष्म आणि लघु उद्योगांचा वाटा 45 टक्क्यांहून अधिक दिसून आला आहे.’ महिलांच्या नेतृत्वाखालील एमएसएमई, स्टार्टअप्स आणि एससी/एसटी उद्योगांमध्ये 20 टक्क्यांहून अधिक वाढ नोंदवली गेली आहे. त्यांनी या परिसंस्थेचे कौतुक केले, जिथे बी2जी (व्यवसाय-ते-सरकार) खरेदी सूक्ष्म आणि लघु उद्योगांसाठी वरदान ठरली आहे.

आर्थिक वर्ष 2026 मध्ये सक्रिय विक्रेत्यांपैकी 73 टक्के एमएसएमई होते आणि त्यांनी 68 टक्के ऑर्डर्स मिळवल्या. एमएसएमईंना 2.36 लाख कोटी रुपयांच्या 51 लाखांहून अधिक ऑर्डर्स मिळाल्या, ज्यामुळे त्यांनी 25 टक्क्यांहून अधिक खरेदीचा टप्पा ओलांडला.

ठळक बाबी :

-जीएमव्हीमध्ये उत्पादनांचे योगदान 51 टक्के, सेवांचे 49 टक्के होते.

-आगाऊ लिलाव दुप्पट होऊन 1,867 कोटींवर.

-प्रमुख परिणामांमध्ये 318 कोटी लसींचे डोस,

-44,000 किमी ऑप्टिकल फायबर,

-77 लाख संगणक,

-गुजरातमधील कडणा धरणावरील 110 मेगावॅटचा तरंगता सौर प्रकल्प आणि 29 कोटींहून अधिक सॅनिटरी नॅपकिन्स यांची खरेदी

-स्पर्धात्मक बोलीद्वारे खरेदीदारांची 8 टक्के बचत झाली आहे.