तुकाराम तायशेटेची किक बॉक्सिंगमध्ये राज्यस्तरावर निवड

श्री पंचम खेमराज कनिष्ठ महाविद्यालयाचा विद्यार्थी

सावंतवाडी । प्रतिनिधी

श्री पंचम खेमराज कनिष्ठ महाविद्यालयाचा इयत्ता बारावी विज्ञान शाखेतील विद्यार्थी कु. तुकाराम महादेव तायशेटे याने जिल्हा क्रीडा परिषद व जिल्हा क्रीडा अधिकारी कार्यालय सिंधुदुर्ग यांच्यावतीने 26 नोव्हेंबर 2024 रोजी सातारा येथे आयोजित करण्यात आलेल्या किक बॉक्सिंग स्पर्धेत प्रथम क्रमांक मिळवित त्याची राज्यस्तरावर निवड झाली आहे . सिंधुदुर्ग जिल्हा शिक्षण प्रसारक मंडळाचे अध्यक्ष राजेसाहेब खेमसावंत भोंसले आणि संस्थेच्या चेअरमन राणीसाहेब सौ. शुभदादेवी भोंसले यांनी त्याचे अभिनंदन केले आहे यावेळी महाविद्यालयाचे प्रभारी प्राचार्य प्रा. एम. ए. ठाकूर, कनिष्ठ महाविद्यालयाचे समन्वयक प्रा. व्ही.पी. राठोड, क्रीडा विभागाचे संचालक प्रा. आर. एम. सावंत , प्रा. एम. व्ही. भिसे आदी उपस्थित होते.