‘आशिकी 3’मध्ये तृप्ति डिमरी

बॉलिवूड अभिनेता कार्तिक आर्यन स्वत:चा चित्रपट ‘आशिकी 3’वरून चर्चेत आहे. कार्तिकचे चाहते त्याच्या या चित्रपटाची आतुरतेने प्रतीक्षा करत आहेत. या चित्रपटात कार्तिकची नायिका म्हणून कोण झळकणार हे जाणून घेण्यास चाहते अत्यंत उत्सुक आहेत. कार्तिकच्या या चित्रपटात तृप्ति डिमरी मुख्य भूमिका साकारणार असल्याचे मानले जात आहे. निर्मात्यांनी कार्तिकची नायिका म्हणून तिची निवड केल्याचे सूत्रांकडून सांगण्यात आले. अॅनिमल या चित्रपटाला मिळालेल्या यशानंतर तृप्ति आता नॅशनल क्रश ठरली आहे. रणवीर कपूरची मुख्य भूमिका असलेल्या अॅनिमल चित्रपटातील तृप्तिची भूमिका लक्षवेधी ठरली होती.

कार्तिक आणि तृप्तिची जोडी मोठ्या पडद्यावर यशस्वी ठरणार असल्याचे आशिकी 3 च्या निर्मात्यांचे मानणे आहे. चित्रपटातील उर्वरित कलाकारांची निवडही लवकरच केली जाणार आहे. भूल भुलैयानंतर कार्तिक आर्यनची ही दुसरी फ्रेंचाइजी फिल्म असणार आहे. कार्तिक सध्या बॉलिवूडमधील सर्वात लोकप्रिय अभिनेता आहे. आशिकी 2 हा चित्रपट 2013 मध्ये प्रदर्शित झाला होता आणि याचे दिग्दर्शन मोहित सूरी यांनी केले होते. यात आदित्य रॉय कपूर आणि श्रद्धा कपूरने मुख्य भूमिका साकारली होती.