होनगा-बेन्नाळी रस्त्यावर ट्रक उलटला

सुदैवाने कोणतीही जीवितहानी नाही

वार्ताहर/काकती

होनगा-बेन्नाळी एक कि.मी. अंतरावरील जोगेनट्टी गावाजवळील राष्ट्रीय महामार्गावरील ट्रक शुक्रवारी रात्री दहाच्या सुमारास पलटी झाल्याची घटना घडली असून यामध्ये सुदैवाने कोणतीही जीवितहानी झाली नाही. दिल्लीहून होनगा येथील औद्योगिक वसाहत कारखान्यात पोत्यांनी भरलेला ट्रक क्र. एचआर 55 ए/एच 3156 उतरण्यासाठी जात होता. पावसाची रिपरीप चालू होती. यामुळे ट्रकचालकाने जवळच असलेल्या खाणावळीत जेवण करून जावे म्हणून जोगेनट्टी राष्ट्रीय महामार्गावरुन वळवताना खड्डा असल्याने ट्रक कलंडून उलटला. या ठिकाणी राष्ट्रीय महामार्ग विस्तारीकरणाचे काम चालु आहे. उंच, सखल रस्ता झाला असल्याने हा अपघात घडला आहे. मालवाहू ट्रक बॉडीचे काही मोठ्याप्रमाणात नुकसान झाले असून मालवाहू ट्रकतील माल उत्तरुन दुसऱ्या वाहनांत भरुन पाठविण्यात आला आहे. या मालवाहू वाहनांत चालक एकटाच होता. सुदैवाने कोणतीच दुखापत झाली नाही.