मळगाव येथे ट्रकची दुचाकीला धडक; चालक गंभीर

न्हावेली /वार्ताहर

भरधाव वेगाने जाणाऱ्या ट्रकने दुचाकीला धडक दिल्यामुळे दुचाकीस्वार गंभीर जखमी झाला.हि घटना आज दुपारी १२ वाजण्याच्या सुमारास मळगाव- वेत्ये येथे चॉकलेट फॅक्टरीसमोर घडली.जखमी दुचाकी चालकाला रिक्षा मधून सावंतवाडी उपजिल्हा रुग्णालयात दाखल करण्यात आले आहे.याबाबतची माहिती वेत्ये सरपंच गुणाजी गावडे यांनी दिली. दरम्यान मुंबई - गोवा हायवेवर मोठ्या प्रमाणात अपघात होत असताना त्याठिकाणी रुग्णवाहिकेची सोय नसल्यामुळे अनेक वेळा अडचणी येतात. त्यामुळे रुग्णवाहिकेची सोय करण्यात यावी, अशी मागणी त्यांनी केली आहे.संबंधित दुचाकी चालक जखमी असल्यामुळे त्याची नेमकी माहिती समजू शकली नाही.