गुजरातमध्ये ट्रकची बसला धडक, 6 ठार

वृत्तसंस्था/ अहमदाबाद

गुजरातमध्ये सोमवारी पहाटे एक भीषण रस्ते दुर्घटना घडली आहे. गुजरातच्या आणंदमध्ये अहमदाबाद-वडोदरा द्रुतगती महामार्गावर एका ट्रकने बसला धडक दिली असून या दुर्घटनेत 6 जणांचा मृत्यू झाला आहे. तर 8 जण जखमी झाले आहेत. भरधाव ट्रकने रस्त्याच्या कडेला उभ्या असलेल्या बसला धडक दिली होती.

आणंद जिल्ह्यातील चिखोदरा गावानजीक ही दुर्घटना घडली आहे. अहमदाबादच्या दिशेने प्रवास करणारी एक खासगी बस रस्त्याच्या कडेला उभी होती, या बसचा टायर फुटला होता. टाय बदलण्याचे काम सुरू असल्याने अनेक प्रवासी खाली उतरले होते. काही प्रवासी बससमोर उभे असताना मागून एका भरधाव ट्रकने बसला धडक दिली. या दुर्घटनेत 5 जणांचा घटनास्थळीच मृत्यू झाला तर एकाचा रुग्णालयात उपचारावेळी मृत्यू झाला आहे. मृतांमध्ये बसचालक देखील सामील आहे. तसेच तीन महिला आणि तीन पुरुष यांचा मृतांमध्ये समावेश असून अद्याप त्यांची ओळख पटलेली नाही. तर जखमींना  रुग्णालयात दाखल करण्यात आल्याचे पोलिसांकडून सांगण्यात आले.