‘तेरी बातों मे ऐसा उलझा जिया’चा ट्रेलर सादर

रोबोटच्या भूमिकेत क्रीति सेनॉन

शाहिद कपूर आणि क्रीति सेनॉन स्वत:चा आगामी चित्रपट ‘तेरी बातों में ऐसा उलझा जिया’वरून चर्चेत आहे. या चित्रपटातील दोन गाणी प्रदर्शित करण्यात आली असून त्यांना प्रेक्षकांची मोठी पसंती लाभत आहे. शाहिदने स्वत:च्या किलर मूव्सद्वारे पुन्हा एकदा चाहत्यांची मने जिंकली आहेत. निर्मात्यांनी आता या चित्रपटाचा ट्रेलर प्रदर्शित केला आहे.

या चित्रपटाचा ट्रेलर अत्यंत मनोरंजक दिसून येत आहे. हा चित्रपट 9 फेब्रुवारी रोजी चित्रपटगृहांमध्ये प्रदर्शित होणार आहे. क्रीति अन् शाहिद यांची मुख्य भूमिका असलेल्या या चित्रपटाचे दिग्दर्शन अमित जोशी आणि आराधना शाह यांनी केले आहे.

क्रीति यात एका रोबोटची भूमिका साकारत आहे. या रोबोटच्या प्रेमात शाहिद कपूरने साकारलेली व्यक्तिरेखा पडल्याचे दाखविण्यात आले आहे. या चित्रपटात डिंपल कपाडिया, धर्मेद्र देखील मुख्य भूमिकेत आहे. या चित्रपटाद्वारे एक अशक्य वाटणारी प्रेमकहाणी मांडण्यात आली आहे. चित्रपटाची निर्मिती दिनेश विजान, ज्योति देशपांडे आणि लक्ष्मण उतेकर यांनी केली आहे.