सावंतवाडी बाजारपेठेत गणेशोत्सव काळात वाहतूक कोंडीचे संकट

सावंतवाडी । प्रतिनिधी

सावंतवाडी बाजारपेठेत गणेश चतुर्थीच्या निमित्ताने मोठ्या प्रमाणावर खरेदीसाठी आलेल्या ग्राहकांची वाहतूक कोंडी गंभीर समस्या बनली आहे. बाजारपेठेत रस्त्यांची रुंदी असूनही, दोन बाजूंनी चारचाकी वाहने ये-जा करत असल्यामुळे वाहतूक कोंडी होत आहे. विशेषतः गणेश चतुर्थीच्या काळात, दुचाकी आणि चारचाकी वाहनांची मोठ्या प्रमाणावर वाढ झाल्यामुळे परिस्थिती अधिकच वाईट बनली आहे.वाहतूक व्यवस्थापनासाठी दहा वाहतूक पोलीस बाजारपेठेत तैनात करण्यात आले आहेत, परंतु त्यांच्या कार्यक्षमतेत तुटवडा असल्याने कोंडी सोडवण्यास अपयश आले आहे. पोलीस प्रशासनाने वादविवाद टाळण्यासाठी सामोपचाराने उपाययोजना करण्याचे लक्ष ठेवले असले तरी, त्याचा परिणाम असा झाला आहे की, वाहतूक कोंडी अधिकच वाढली आहे. गणेश चतुर्थी उत्सवाच्या पार्श्वभूमीवर वाहतूक कोंडीने बाजारपेठेत दिवसभर वाहनचालकांना अडचणींचा सामना करावा लागतो. प्रशासनाने या समस्येची गांभीर्याने दखल घेत वाहतूक व्यवस्थेतील गोंधळ कमी करण्यासाठी ठोस उपाययोजना करणे आवश्यक आहे. यामुळे नागरिकांना गणेशोत्सवाच्या आनंदात कोणत्याही प्रकारची अडचण येणार नाही, याची खात्री केली जाऊ शकते.