कार्लोस अल्काराझ, साबालेन्कासमोर कठीण

 अलेक्झांडर व्हेरेव्ह , जोकोविच, मेदवेदेव, गॉफ, पेगुला, नोस्कोव्हा, रायबाकिना यांच्यातही जेतेपदासाठी लागणार चुरस

वृत्तसंस्था, न्यूयॉर्क : गुऊवारी झालेल्या ड्रॉनुसार अमेरिकन ओपनमधील गतविजेता कार्लोस अल्काराझसमोर न्यूयॉर्कमधील अंतिम फेरीपर्यंत पोहोचण्याचा मार्ग आव्हानात्मक आहे. महिला गटात आर्यना साबालेन्कालाही सलग तिसऱ्यांदा विजेतेपद पटकावण्यासाठी मोठी कसरत करावी लागणार आहे. या वर्षातील ही शेवटची ग्र्रँडस्लॅम स्पर्धा आहे.

मनगटाच्या दुखापतीमुळे पाच महिने खेळापासून दूर राहिल्यानंतर एकेरीच्या सामन्यांमध्ये पुनरागमन करणाऱ्या अल्काराझला माजी यूएस ओपन विजेता नोव्हाक जोकोविच, डॅनियल मेदवेदेव, स्टॅन वावरिंका आणि मारिन सिलिच यांच्यासोबत पुऊष एकेरीच्या ड्रॉच्या अधिक मजबूत अशा खालच्या गटात स्थान मिळाले आहे. स्पेनचा हा दुसरा मानांकित खेळाडू वर्षातील शेवटच्या प्रमुख स्पर्धेची सुऊवात रोमन सफिउलिनविऊद्ध करेल आणि उपांत्यपूर्व फेरीत त्याचा सामना आर्थर फिल्स किंवा बेन शेल्टन यांच्यापैकी एकाशी होऊ शकतो. त्यानंतर उपांत्य फेरीत त्याचा सामना जोकोविच, मेदवेदेव, फ्रान्सिस टायफो किंवा ब्रँडन नाकाशिमा यांच्यापैकी एकाशी होण्याची शक्यता आहे.

चार वेळचा यूएस ओपन विजेता आणि विक्रमी 25 व्या ग्रँडस्लॅम विजेतेपदाच्या शोधात असलेला जोकोविच या स्पर्धेची सुऊवात अर्जेंटिनाच्या मारियानो नावोनविऊद्ध करेल आणि जर तो पुढे गेला, तर दुसऱ्या फेरीत त्याचा सामना वावरिंका किंवा मॅटेओ बेरेटिनी यांच्यापैकी एकाशी होईल. अव्वल मानांकित अलेक्झांडर व्हेरेव्ह, ज्याने या वर्षीच्या फ्रेंच ओपनमध्ये आपले पहिले ग्रँडस्लॅम विजेतेपद पटकावले, तो लॉरेन्झो सोनेगोविऊद्ध सुऊवात करेल आणि चौथ्या फेरीत लॉरेन्झो मुसेटीशी, तर उपांत्यपूर्व फेरीत अॅलेक्स डी मिनॉर याच्याशी भिडण्याचा प्रसंग त्याच्यावर येऊ शकतो. त्यानंतर उपांत्य फेरीत फेलिक्स ऑगर-अलियासिमे आणि अंतिम फेरीत अल्काराझशी त्याचा सामना होऊ शकतो.

साबालेन्काची सलामी ओसोरियोशी

महिलांच्या गटात अव्वल मानांकित साबालेन्काचा सलामीचा सामना कोलंबियन कॅमिला ओसोरियोशी होईल आणि उपांत्यपूर्व फेरीत तिचा सामना विद्यमान विम्बल्डन विजेती लिंडा नोस्कोवाशी, तर उपांत्य फेरीत फॉर्मात असलेल्या जेसिका पेगुलाशी होण्याची शक्यता आह. पेगुलाने यूएस ओपनआधीच्या दोन सराव स्पर्धांमध्ये उपविजेतेपद पटकावलेले आहे. साबालेन्काचा पुढील दोन आठवड्यांत दुसऱ्या फेरीत रेनाटा झाराझुआशी सामना होण्याची शक्यता आहे, त्यानंतर पुढील दोन फेऱ्यांमध्ये बार्बोरा क्रेसिकोवा आणि डायना श्नाइडर यांच्याविऊद्ध सामने होऊ शकतात. पुढे विजेतेपदाशी तिला एलेना रायबाकिनाशी झुंज द्यावी लागू शकते. माजी अमेरिकन ओपन विजेती कोको गॉफ, जी चौथी मानांकित आहे आणि सिनसिनाटीमध्ये विजेतेपद पटकावून न्यूयॉर्कमध्ये दाखल झाली आहे, तिला ड्रॉच्या खालच्या अर्ध्या भागात स्थान देण्यात आले आहे आणि उपांत्यपूर्व फेरीत तिचा सामना अमांडा अनिसिमोवाशी होऊ शकतो.